Сербская Праваслаўная Царква выбрала новага Патрыярха
22 студзеня у Сербскай Патрыярхіі ў Бялградзе адбыліся выбары новага Прадстаяцеля
Сербскай Праваслаўнай Царквы. У выніку лёсавання Патрыярхам Сербскай Праваслаўнай
Царквы стаў Ірыней, епіскап Нішскі. Для лёсавання, апроч яго, былі выбраныя яшчэ дзве
кандыдатуры - Амфілох, мітр. Чарнагоска-Прыморскі, і Ірыней, епіскап Бачскі; яны былі
папярэдне абраныя з ліку 45 епіскапаў Сербскай Царквы таемным галасаваннем. Новы
абраны Патрыярх Ірыней стаў 45-м Патрыярхам Памеснай Сербскай Царквы. Ён з'яўляецца
адным з самых старэйшых дзеючых епіскапаў СПЦ - яму 80 год. Папярэдні Патрыярх, Свяцейшы
Паўле, спачыў летась ў Бялградзе ва ўзросце 95 год. Выбары Патрыярха праз лёсаванне
дапамаглі СПЦ пазбегнуць інтрыгаў і перадвыбарчых кампніяў. Дзе і калі адбудзецца
інтранізацыя новага Патрыярха, пакуль не паведамляецца.