Këshilli i Sigurimit debaton sot mbi situatën në Kosovë e në rajon
(22.1.2010 RV)Këshilli i Sigurimit të Kombeve të Bashkuara sot do të diskutojë
për situatën në Kosovë, sipas raportin më të ri të sekretarit të përgjithshëm të Kombeve
të Bashkuara Ban Ki Mun, gjatë një sesioni gjatë të cilit është parashikuar ndërhyrja
e presidenti serb Boris Tadiç. Në mbledhjen e sotme Kosovën do ta përfaqësojë
ministri i Punëve të Jashtme Skënder Hyseni. Seanca e Këshillit të Sigurimit do të
mbahet në ora 21.00 sipas kohës së Evropës Qendrore. Kreu i Kombeve të Bashkuara në
raportin e tij të rregullt tremujor për Kosovën, i ka bërë thirrje Prishtinës dhe
Beogradit të fokusohen në bashkëpunime rajonale dhe të lënë mënjanë shqetësimet për
statusin e Kosovës. Serbia në këtë mbledhje do të prezantohet në "nivelin
më të lartë" - Presidentin Boris Tadiq, siç thuhet për shkak të "situatës serioze
dhe të komplikuar" në Kosovë. Tadiq ka paralajmëruar se do ta "akuzojë" Presidentin
në largim të Kroacisë Stipe Mesiq, për deklarata "luftënxitëse".