Haiti: pas kërkimeve njerëzve, vijon organizimi i ndihmave.
(22.1.2010 RV)Në Haiti pas kërkimeve të njerëzve të gjallë e të vdekur nën
gërmadha, bashkësia ndërkombëtare përqendrohet tek ndihma e të pastrehëve. Kujtojmë
edhe 61 viktima të personelit të OKB-së Pas kërkimeve që zgjatën dhjetë ditë për
të gjetur persona të mbijetuar në gërmadha të shkaktuara nga tërmeti, ekipet e ndihmës
të OBK-së në Haiti janë të përqendruara mbi asistencën e tre milionë personave që
kanë mbetur pa strehë mbi kokë. Kështu njoftoi një zëdhënës i OKB-së. Sipas të dhënave,
plani për sistemimin e të pastrehëve pas tërmetit, në fazën e parë parashikon krijimin
e kampeve të pajisura me çadra, derisa në fazën e dytë ndërtimin e vendbanimeve edhe
me ndihmën e të pastrehëve. Ndërkohë vazhdon solidariteti i bashkësisë ndërkombëtare
me popullsinë e Haitit e me mbledhjen e ndihmave. Numri i punonjësve të Kombeve
të Bashkuara, që e humbën jetën nga tërmeti në Haiti ka shkuar në 61, që paraqet numrin
më të madh të njerëzve që organizata botërore i ka humbur në një katastrofë. Nga tërmeti
i 12 janarit e humbën jetën 25 civilë, 24 ushtarë dhe 12 policë të OKB së pohon zëdhënësi
Farhan Hak. Në tërmetin me fuqi 7 shkallë Rihter, i cili e shkatërroi kryeqytetin
e këtij vendi të varfër të Karaibeve, e kanë humbur jetën ndërmjet 100 mijë e deri
në 200 mijë njerëz, ndërsa 1.5 milionë kanë mbetur pa kulm mbi kokë.