Агульная Аўдыенцыя Святога Айца ў сераду 20-га студзеня

Адбылася яна ў залі імя Папы Паўла 6-га. Прыбыло на яе многа паломінікаў і вернікаў з кожнага кутку свету.

“Мы ўшаноўваем Тыдзень Малітваў за Адзінства Хрысціян. Яго лозунгам сёлета ёсць словы з Евангельля паводле Апостала Лукі: “Вы -сведкі гэтага”. Гэтага году тэксты да разважанняў на час Тыдня Малітваў, падрыхтавала Экуменічная група вернікаў з Шатландыі. У Эдынбургу ў 1910-м годзе адбы-лася Сусветная канферэнцыя місійных пратэстанціх рухаў, якая дала штуршок далейшым экуменічным ініцыятывам: між іншым, супольным малітвам, набажэнствам, абменам дасведчаннямі, супольным экуменічным пошукам.
З апошняга часу,- сказаў далей ў часе сённяшняе аўдыенцыі Святы Айцец,- варта ўспомніць сустрэчу ў кастрычніку, летась, з прадстаўнікамі Праваслаўных Цэркваў на Кіпры на тэму ролі Біскупа Рыму ў перыядзе еднасці Касцёла ў першым тысячагоддзі хрысціянства, ды падобныя сустрэчы з Каптыйскім, Эфіёпскім, Сірыйскім і Армянскім Касцёламі.
У Экуменічныя ініцыятывы ўпісваюцца знамянальныя тэалагічныя дыскусіі і сустрэчы з прадстаўнікамі Англіканскай Супольнасці, Сусветнай Рады Мэтадыстаў, з Лютэранскім Касцёлам, сустрэча ў Рыме з Арцыбіскупам Кантэнбэры Рувэнам Вільямсам. Хай ажыўлены экумэнічны дыялог,- сказаў на заканчэнне Бэнэдыкт 16,- падтрыманы нашай малітвай, вядзе Касцёл да поўнага адзінства ў Трэцім тысячагоддзі хрысціянства”.


На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.