Papa në Sinagogë: katolikët e hebrenjtë, konfirmohen angazhimet e Koncilit II të Vatikanit.
(20.1.2010 RV)Papa Benedikti XVI, gjatë vizitës së tij të dielën e kaluar në
sinagogën e Romës, “në mënyrë kategorike ka ripohuar angazhimin e Kishës katolike
dhe vullnetin e saj për thellimin e dialogut e të marrëdhënieve vëllazërore me Judaizmin
dhe me popullin hebre, sipas dokumentit të Koncilit të II të Vatikanit ‘Nostra Aetate’,
magjisterit pasues të Kishës e në mënyrë të veçantë atë të Gjon Palit II”. Kështu
pohon deklarata përfundimtare e përbashkët e Komisionit dypalësh të Selisë së Shenjtë
dhe Rabinatit të Madh të Izraelit për marrëdhëniet ndërmjet hebrenjve e katolikëve,
që përfundoi sot në Vatikan takimin dy ditor. Kujtojmë se tema kryesore e takimit
të Komisionit dypalësh ishte: “Mësimet katolike e hebraike mbi Krijimin e mbi Ambientin.
Sfidat e ndërhyrjes njerëzore në rendin natyror”, e pastaj u trajtuan edhe disa çështje
aktuale në Tokën Shenjte.