(20.01.2010 RV)Humbje e rëndë për demokratët e presidentit amerikan Barak Obama,
të cilët nuk e kanë më vendin e senatorit të Masaçusets, që ka qenë i Ted Kenedit.
Për dhjetëvjeçarë, në atë karrige janë ulur vetëm pinjollët e familjes Kenedi, por
mjaftoi vdekja e të fundmit prej tyre dhe rezultatet jo të shkëlqyera të Obamës, që
posti t’i kalojë një republikani. Në zgjedhjet e zhvilluara për senatorin e ri fitoi
Skot Braun kundër rivales demokrate, Marta Koklei. Ky kalim bën që presidenti amerikan
të humbë shumicën relative në Senat e kjo djeg tepër, sidomos para diskutimit të reformës
së shëndetësisë, e cila mbështetej fuqimisht nga i ndjeri Ted Kenedi, por kundërshtohet
me të njëjtën forcë nga Braun.