Кардынал Вальтэр Каспэр аб візіце Папы у рымскую Сінагогу
Станоўча ацаніў нядзельны візіт Папы Бэнэдыкта 16 ў рымскую Сінагогу старшыня
Папскае Рады да спраў Падтрымлівання Адзінства Хрысціян кардынал Каспэр, які таксама
кіруе камісіяй да спраў Рэлігійных Адносін з Юдаізмам. На ягоную думку гэты візіт
быў ясным знакам аб сумесным сведчанні вартасцяў католікамі і габрэямі. “Думаю,
што гэты візіт з”яўляецца ўмацаваннем нашага дыялогу, паколькі абодва бакі пацвердзілі,
што хочуць ісці ўперад у дыялогу, які разумеецца не толькі ў акадэмічны спосаб, але
і ў агульных каштоўнасцях,- сказаў Ватыканскаму Радыё кардынал Каспэр. Вельмі важным
было тое, што Святы Айцец сказаў на тэму Дзесяці Прыказанняў. Гэта наша супольная
спадчына, але і спадчына ўсяго чалавечцтва. Мы павінны затым сведчыць аб гэтых вартасцях,
выяўленых у Дэкалогу, таму што гэтага патрабуе сучасны свет. Візіт Папы прайшоў вельмі
добра. Самазразумела, існуюць адрозненні паміж габрэямі і католікамі, існуюць спэцыфічныя
праблемы, але цяпер мы пабудавалі давер і прыязнь так, што можам ісці наперад, таму
што гэты дыялог з”яўляецца важнай прыкметай таго, што нават пасля працяглага перыяду
варожасці і непаразуменняў, можам пачаць нанава, дзякуючы Божай Ласцы”,- сказаў кардынал
Вальтэр Каспэр.