"Хрысціянска-яўрэйскі дыялог служыць супольнаму сведчанню",- сказаў кардынал Вальтэр
Каспэр перад візітам Папы Бэнэдыкта 16 ў Рымскую Сінагогу
Візіт прыпадае ў дзень, прысвечаны ў Італіі і ў многіх іншых краінах хрысціянска-яўрэйскаму
дыялогу. Яго святкавыанні 17-га студзеня ў Італіі ад некалькіх гадоў засяроджваюцца
на Дэкалогу. Сёлетння тэма - гэта запавет: “Памятай дзень суботні, каб сьвяткаваць
яго”. Нядаўна кардынал Каспэр, які ёсць у Ватыкане адказны за адносіны
з габрэямі, сустрэўся з журналістамі ў сувязі з візітам Святога Айца ў Сінагогу, які
адбудзецца ў гэтую нядзелю. “Каталіцка-яўрэйскі дыялог набывае новы характар. Цяпер
настаўлены не столькі на абмеркаванне мінулых фактаў і падзяляючых нас розніц, колькі
на супрацоўніцтва і супольнае сведчанне, заснаванае на тым, што нас аб”ядноўвае”-,
сказаў кардынал Каспэр. “Спадзяюся, што візіт Папы у Рымскую Сінагогу будзе прыкметай
прагрэсіўнага дыялогу,- звярнуўся ён да журналістаў. У часе візіту не будзем зьвяртаць
больш ўвагі на тое, што нас дзеліць. Кожны ведае, якія асноўныя адрозненні паміж
юдаізмам і хрысьціянстам ды што існуюць канкрэтныя праблемы. Мы намерваемся гаварыць
аб тым, што супольнае, а гэтага шмат. Мы падзяляем веру ў адзінага Бога, а гэта ў
зсэкулярызаваным свеце важна, каб даваць сведчанне аб адзіным Богу. Неабходнасці
святкаваць згодна з Дэкалогам Яго імя і зберагаць шабату,- значыць мець час для Бога.
Мы таксама можам даць супольнае сведчанне па іншых прыказаннях: аб ахове жыцця, сям”і,
сацыяльнай справядлівасці, міру. Гэта новы напрамак у нашых адносінах. Перш шмат
гаварылася аб мінулым, таксама і аб Галакосце. Затым мы перайшлі да актуальных праблем
сучаснага грамадства, задумваючыся, што мы можам зрабіць добрага ў агульнай аснове”.