Ватыкан. Папа Бенедыкт 16 падчас агульнай аўдыенцыі павітаў прысутных членаў арганізацыі
"Puer"- парафіяльных груп каталіцкіх дабрадзеяў, што ахоўваюць дзяцінства ў розных
краінах." Пуэр" добра ведаюць ў нас на Беларусі ад 17 гадоў, бо нясе дапамогу дзецям
Чарнобыля і сіротам нашай краіны.
Завершваюцца й гэтак больш доўгія школьныя, а тут у Італіі - калядныя канікулы дзяцей
з беларускіх сірацінцаў у італьянскіх сем'ях. Як расказаў пасля аўдыенцыі ў Папы старшыня
арганізацыі Сэрджо дэ Чіко - работнік Міністэрства абароны Італіі, які ў вольны час
апякуецца справамі Puer, беларускія дзеткі на аўдыенцыі былі надзвычай уважлівымі
і ціхімі, слухалі кожнае слова Папы Рымскага ў ягоным настаўленні гэтай серады. Цяпер
для іх радасны і ў той жа час сумны момант - вяртаюцца да хаты, да сяброў і настаўнікаў
ды сваякоў, да якіх вельмі прыязныя гэтыя сіроты пры жывых, але не існуючых бацьках.
Для тых малых беларусаў, каму не давялося гэтым разам справіць Нараджэнне Хрыстова
ў Вечным горадзе, павязуць шмат падарункаў. І хаця снежная Беларусь зараз значна
прыгажэйшая за даждлівую Італію, аднак, збіраючы свае запоўненыя рукзакі, сумуюць,
бо пакідаюць Італьянскіх мамаў і татаў. Менавіта так называюць нашы дзецІ сваіх італьянскіх
сямейнікаў. З імі прайшла сустрэча прадстаўнікоў беларускай Амбасады і Міністэрства
адукацыі РБ. Рэпартаж аб падзеі слухайце ў нашай заўтрашняй праграме.