Агульная аўдыенцыя Святога Айца ў сераду 13-га студзеня

Адбылася яна ў зале імя Папы Паўла 6-га. Прыбыло на яе многа паломінікаў і вернікаў з кожнага кутку свету.
“Гісторыя ўвекавечвае многіх Святых рэфарматараў Касцёла, сапраўдных сведкаў Хрыста і Яго Эвангэльля”,- сказаў Бэнэдыкт 16. Сярод іх асаблівая роля прыпадае Святым Францішку і Дамініку, заснавальнікам двух вялікіх 13-ці векавых Жабрацкіх Законаў: Братоў Меньшых і Прапаведніцкага Закону, вядлмых як Францішкане і Дамінікане.

Ідэі ўбогага жыцця, распаўсюджвання Слова Божага ды наследавання Хрыста ў штодзённым жыцці,- знайшлі вялікі і трывалы водгук, прыцягваючы да супольнасцяў натоўпы новых ахвотнікаў, натхняючы апостальства як сярод свецкіх асоб так і сярод ерэтыкаў і паганаў.
Руплівасць пра рэлігійнае жыццё братоў, адкрытасць на чалавечыя праблемы, дапамога вернікамі і душпастырская турбота,- сказаў у сённяшняй катахэзе Святы Айцец,- напоўнівалі вернікаў новаю энэргіяю, стваралі еднасць і духоўны энтузіязм. Новы стыль законнага жыцця асабліва дацэньваўся і быў падтрымліваны тагачаснымі Рымскімі Папамі: Інканенцыям Трэцім і Ганарыюшам Трэцім.
Гэты асаблівы стыль жыцця, які прытрымліваўся ўбоства, любові Хрыста і наследавання Яго быў перанесены ў жыццё свецкіх асоб, супольнасцей, сем”яў і даў вялікі плод у постаці Трэцяга Закону. Айцы францішкане і дамінікане адыгралі галоўную ролю ў развіцці тэалогі ў школах і ўнівэрсытэтах. Былі цудоўнымі сведкамі і настаўнікамі веры. Хай прапанаваны імі стыль жыцьця,- сказаў на заканчэнне аўдыенцыі Папа,- будзе выклікам таксама і для нас.
Затым Бэнэдыкт 16 зрабіў заклік да салідарнасці з народам Гаіці

Жадаю цяпер звярнуцца з заклікам да драматычнае сітуацыі ў Гаіці. Мая думка накіроўваецца, ў прыватнасці, да насельніцтва, якое моцна пацярпела з прычыны землятрасення, якое спрычыніла смерць многім асобам, вялікую колькасць бяздомных і зніклых без вестак людзей а таксама значныя матарыяльныя шкоды. Запрашаю ўсіх далучыцца да мяне ў малітве да Пана за ахвяраў гэтае катастрофы і за тых, якія аплаківаюць загінуўшых. Запэўніваю аб маёй духоўнай блізкасці да тых, хто страціў свой дом і да тых, што пакуюць ад гэтай катастрофы. Звяртаюся да шчодрасці ўсіх, каб братам і сёстрам Гаіці, што жывуць у гадзіне патрэбы і гора, была праяўлена нашая канкрэтная салідарнасць і актыўная дапамога з боку Міжнароднай Супольнасці. Каталіцкі Касцёл праз свае дабрачынныя арганізацыі прыйме неадкладна меры, каб задаволіць насельніцтва ў самыя штодзённыя патрэбы.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.