Iran: pesë manifestues akuzohen se janë armiq të islamit. Rrezikojnë jetën.
(07.01.2010 RV)Pesë vetë nga të arrestuarit e 27 dhjetorit në Teheran, rrezikojnë
të dënohen me vdekje sepse janë akuzuar formalisht se janë “mohareb” domethënë armiq
të islamit dhe të Allahut. Procesi i tyre gjyqësor do të fillojë së shpejti pranë
Gjykatës të Revolucionit të Teheranit. Në bazë të së drejtës islamike që është në
fuqi në Iran, armiqtë e islamit dënohen me vdekje.