Сакратар Бэнэдыкта 16 наведаў Сусанну Маёло, што кінулася на Папу перад набажэнствам
вігіліі чакання Нараджэння Пана
Прэсавы прадстаўнік Апостальскай Сталіцы ксёндз Фэдэрыко Лёмбардзі пацвердзіў,
што ў апошнія дні асабісты сакратар Святога Айца наведаў Сусанну Маёло, якая ў часе
апошняй вігіліі чакання Нараджэння Пана кінулася ў Базыліцы Святога Пятра на Бэнэдыкта
16. Ксёндз Георг Гансвэйн быў у яе з кароткім візітам, перадаў ёй прывітанне ад Папы.
Сакратар запэўніў у сваёй зацікаўленасці вясвятлення гэтай сітуацыі. Наведанне
мела прыватны характар. Жыхарка Швейцарыі ў бальніцы знаходзіцца пад Рымам на
медычным назіранні. Ксёндз Фэдэрыко Лёмбардзі таксама сказаў, што юрыдычна справу
нападу Сусанны Маёло на Папу вырашыць суд Ватыканскае Дзяржавы. 25-ці гадовая грамадзянка
Швейцарыі і Італіі двойчы намагалася наблізіцца да Папы Бэнэдыкта 16. Першы раз зрабіла
гэта год таму назад. Масс-мэдыя прысвяцілі апошняму гвалтоўнаму эпізоду ў Ватыканскай
Базыліцы шмат увагі, многа разоў паўтараючы сюжэт нападу ў час пачатку вігіліі Нараджэння
Пана. Значна менш месца прысвяцілі Пасланню Папы на Божае Нараджэнне ці святочнаму
абеду Святога Айца з галечнымі Рыму.