Kamikazja që u hodh në erë më 30 dhjetor në bazën amerikane në Khost, ishte një agjent i dyfishtë.

(05.01.2010 RV)Kamikazja që u hodh në erë më 30 dhjetorin e kaluar në bazën amerikane të Khostit, në Afganistan, duke vrarë shtatë agjentë të CIA dhe një të shërbimit informativ jordanez, ishte një informator me kombësi jordaneze që bënte lojë të dyfishtë. Lajmin e dhanë shërbimet sekrete amerikane, sipas të cilave, kamikazja Humam Khalil Abu-Mulal Al-Bulawi, 36 vjeç, me profesion mjek, i kishte futur në kurth agjentët duke iu premtuar se kishte shumë informata për ta në lidhje me Al-Kaedën në Afganistan.