Mesazh i Benediktit XVI për Vitin kompostelan: shtegtimi tek varri i Shën Jakut, rast
i përshtatshëm për përtëritjen shpirtërore.
(03.01.2010 RV)Kohë e posaçme hiri e ndjese, përtëritjeje e dëshmimi: Benedikti
XVI e quan kështu Vitin Shenjt Kompostelan 2010, që u përurua dy ditë më parë, me
hapjen e Portës së Shenjtë të katedrales së Santiagos së Kompostelës. Në një mesazh,
drejtuar ipeshkvit të vendit, imzot Julian Barrio, Papa vë theksin tek pasuria shpirtërore
e shtegtimit shekullor tek varri i Jakut të Madh Apostull. Shtegtimi i famshëm i Santiagos
– pohon Papa – duhet t’i kujtojë fort Evropës rrënjët e saj të krishtera. Tema e Vitit
kushtuar Shën Jakut “Shtegtim drejt dritës”, ashtu si dhe letra baritore, titulluar
“Shtegtarë të fesë e dëshmitarë të Krishtit të ngjallur”, nënvizon Papa, tingëllojnë
si thirrje për ungjillëzim, drejtuar burrave e grave të sotme, duke u kujtuar karakterin
shtegtar të Kishës e të të krishterit në këtë botë.