Cвятая Навагодняя Імша ў Базыліцы Святога Пятра: Божае аблічча ёсць заахвочаннем да
міру і экалогіі чалавека
1-га студзеня, ў Свята Найсвятой Панны Марыі- Маці Бога, Бэнэдыкт 16 адслужыў Святую
Імшу ў Ватыканскай Базыліцы. У казанні сказаў, што 1-га студзеня Касцёл ўшаноўвае
Сусветны Дзень Міру. Асноваю гэтага міру з”яўляецца менавіта павага годнасці кожнага
чалавека, ад наймалодшых яго гадоў. Вобразам чуллівых адносін паміж Богам і чалавекам
з”яўляецца славутая руская ікона “Уміление”, дзе твары малога Езуса і Марыі сустракаюцца
ў сімвалічным ласкавым прытуленні шчокаў. “Твары дзяцей
гэта быццам-бы адлюставанне позірку Бога на свет,- сказаў Папа. Чаму ж тады гасіць
іх усмешкі? Чаму атручваць іх сэрцы?. На жаль, ікона Любячай Божай Маці знаходзіць
сваё трагічнае адрозненне ў балючых вобразах дзяцей і іхніх маці ў цісках вайны і
гвалту: чаго прыкладам ёсць уцекачы, выгнаннікі. Твары намечаныя голадам і хваробамі,
скажоныя ад пакутаў і адчаю. Твары нявінных дзяцей - гэта маўклівыя крыкі да нашага
пачуцця адказнасці: перад іхняю слабасцю ўпадаюць фальшывыя апраўданні войнаў і гвалту.
Мы проста павінны навярнуцца на мірныя намеры, скласці ўсялякага роду зброю, і ўсе
заангажавацца ў пабудову свету, больш годнага чалавека”,- сказаў Папа. Бэнэдыкт
16 таксама прыпомніў сваё пасланне на Сусветны Дзень Міру 2010-га года, ў якім заклікаў
да турботы пра ставарэнне. “Той, хто ўмее распазнаваць ў сусвеце вобліск нябачнага
аблічча Стварыцеля, той павінен больш шанаваць сімвалічную вартасць добрых учынкаў
стварэння”,- сказаў Святы Айцец. Гэта прыводзіць да праблемы “чалавечай экалогіі”. “Калі
чалавек нізка падае, знішчаецца таксама асяроддзе ў якім жыве”,- сказаў Пантыфік.
“Калі культура імкнецца да нігілізму, не толькі тэарэтычнага але і практычнага, тады
прырода адчувае вынікі гэтага. Такім чынам магчыма ўбачыць ўзаемную залежнасць паміж
тварам чалавека і станам навакольнага асяроддзя. Калі “экалогія чалавека” паважаецца
ў грамадзтве, таксама экалогіі асяроддзі ідзе на карысціь”. Я хацеў бы паўтарыць заклік
інвэставаць ў адукацыю, якой мэтаю, апрача перадавання неабходных навукова-тэхнічных
ведаў, была бы шырэйшая і паглыбленая экалагічная адказнасць, заснаваная на павазе
правоў чалавека ды яго абавязкаў. Толькі такім чынам прыхільнасць ахове навакольнага
асяроддзя можа стацца выхаваннем да міру і яго пабудовы”,- сказаў на заканчэнне Бэнэдыкт
16.