У Мінску адкрылася 8-я Духоўна-асветніцкая выстаўка- ярмарка "Раство Хрыстова"
27 снежня 2009 г. у нацыянальным выставачным цэнтры «БелЭкспо» ў Мінску адкрылася
VIII Духоўна-асветніцкая выстаўка-ярмарка «Раство Хрыстова». У ярмарцы, якая будзе
дзейнічаць да 5 студзеня 2010 г., прымаюць удзел больш за 90 манастыроў, праваслаўных
прыходаў, духоўных навучальных устаноў, выдавецтваў, СМІ, мастакоў і народных майстроў
з Беларусі, Расіі, Украіны, Грэцыі і Ізраіля. У праграме адкрыцця выстаўкі адбыліся
прэзентацыі экспазіцый мастака Леаніда Гоманава і фатографа Веры Джукіч, а таксама
творчай майстэрні Алы Кейге «Бэтлеемская зорачка». У межах выстаўкі запланаваны канцэрт
выхаванцаў спецустановаў Магілёва, прэзентацыя дзейнасці Свята-Філарэтаўскага праваслаўнага
інстытута, прадстаўленне дзіцячага сямейнага адукацыйнага тэлеканала «Радость моя»
(Москва) у сувязі з пачаткам яго вяшчання ў Беларусі і іншыя мерапрыемствы. Наведвальнікі
ярмаркі змогуць набыць калядныя і навагоднія падарункі, у тым ліку сувеніры з фарфору,
керамікі і дрэва, календары і паштоўкі, цацкі і кнігі, упрыгажэнні і кветкі. Для дзяцей
прапануюцца гульні, віктарыны і канцэрты з удзелам музычных калектываў і выканаўцаў,
царкоўных хораў і паэтаў. Паводле Catholic.by