Шлюб павінен быці люб. Мы працягваем наш цыкл, найперш жадаючы вам імкнуцца да шлюбу,
да стварэння сям'і. Не паддавайцеся на ідальскія падманы ў вопратцы свабоды!
Менавіта ў гэтым
сутнасць навучання сусветнага хрысціянства і іншых рэлігій, якія клапоцяцца аб захаванні
жыцця на планеце Зямля.Сёлета галоўная Імша для католікаў у Дзень святога Сямества
адбылася ў Мадрыдзе, куды сабраліся сем'і і вернікі з цэлага свету. З апостальскага
палацу іх павітаў Папа Бенедыкт 16 падчас малітвы Анёл Панскі, якую адгаварыў з вернікамі,
сабранымі ў Рыме, а потым адбыўся еўрапейскі тэлемост каталіцкіх сем'яў. У гішпанскай
сталіцы яе арцыбіскуп кардынал Антоніо Марыя Руоко Варэла яшчэ раз моцна падкрэсліў,
што будучыня Еўропы праходзіць праз сям'ю. Толькі ад захавання гэтага інстытуту залежыць,
ці наогул яна ёсць - гэтая будучыня. Бо грамадства ёсць тым, чым ёсць сям'я. " Хто
чуе наш голас, разумее нас і імкнецца разам з намі сцвярджаць жыццём факт, што хрысціянская
сям'я ёсць шлюбнаю параю мужчыны і жанчыны, якая адкрыта на шчодрасць давання жыцця",
- падкрэслілі ўдзельнікі свята ў Мадрыдзе, а было іх каля мільёна чалавек. Дык свята
пераўтварылася ў адарацыю - акт абажання Тройцы, адарацыю Эўхарыстыі і ўзіранне ў
прыклад Святой сям'і, дзе быў апрануты ў цела праз жаночае ўлонне Бог - Езус Хрыстус.
Марыя і Язэп - давальнікі чалавецкасці Богу адзінаму, як падкрэслівае заўсёды Папа,
ёсць прыкладам для кожнаге земскае сям'і.