Літаратары напісалі хадайніцтва аб рэабілітацыі Лярысы Геніюш
Падчас літаратурнага семінара "Бязмежжа", які праходзіў 18-19 снежня ў Новым Ляўкове
(Гайнаўскі павет, Польшча), беларускія літаратары з Беларусі і Польшчы падпісалі ліст
да Генеральнага пракурора Рэспублікі Беларусь з хадаўніцтвам аб рэабілітацыі славутай
беларускай паэткі Ларысы Геніюш. У лісце гаворыцца, што "у наступным, 2010 годзе,
Беларусь будзе адзначаць 100-годдзе сваёй легендарнай паэткі і грамадзянкі Ларысы
Геніюш, якая нарадзілася 9 жніўня 1910 года. Рэабілітацыя Ларысы Геніюш і прызнанне
ёй беларускага грамадзянства стала б першым сімвалічным сплачваннем даўгоў беларускага
грамадства перад гэтай мужнай, нязломнай жанчынай, сапраўдным патрыётам сваёй Радзімы".