Агульная аўдыенцыя Святога Айца ў сераду 30-га снежня

Адбылася яна ў зале імя Папы Паўла 6-га. Прыбыло на яе многа паломінікаў і вернікаў з кожнага кутку свету.
У сённяшняй катахэзе Святы Айцец пазнаёміў вернікаў з постацю сярэднявечнага філосафа і тэалога Пятра Лёмбарда.

Нарадзіўся ён на пераломе ХІ і ХІІ стагоддзя ў горадзе Навара ў паўночнай Італіі. Вучобу пачаў у Балоніі і працягваў у Рэймсы ды ў Парыжы. Ад 1140-га году даваў лекцыі ў славутай школе Нотр Дам. У 1159-м годзе,- сказаў Папа ў сваёй сённяшняй катахэзе,- год перад смерцю быў назначаны біскупам Парыжа.
Паглыбленае вывучэнне Святога Пісання і айцоў Касцёла ёсць зместам чатырох тамоў сентэнцый, што да 16-га стагоддзя былі асноўным падручнікам у вывучанні філасофіі і тэалогіі.
Першы том сентэнцый змяшчае навуку аб Святой Тройцы. Другі аб учынках Стварэння, аб граху і ласцы. Трэці абмяркоўвае таямніцу Уцелаўлення і Адкуплення ды хрысціянскія цноты. А чацвёрты прысвечаны Сакрамантам і Жыццю Вечнаму. Пятро Лёмбард,- сказаў на заканчэнне сваёй катахэзы Бэнэдыкт 16,- паказаў у сваім творы, што праўды веры ўзаемна паясніваюцца, і іх поўнае ўзняццё дазваляе адкрыць гармонію Божага Плану Збаўлення і цэнтралны характара таямніцы Хрыста. Святы Айцец заахвоціў вернікаў, каб таксама і сёння тэалогія вывучалася сістэматычным і цэласным чынам, бо толькі так магчыма адкрыць паўнату прыгажосці Бога і абудзіць ў чалавеку жаданне даручыць сябе гэтай любові Бога”.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.