Në Iran situata mbetët jashtëzakonisht e tensionuar . Një përfaqësues i ajatollah
Ali Khamaneit, Udhëhesit të Lartë të Iranit, ka deklaruar se liderët e opozitës janë
“armiqtë e Zotit” e duhet të gjykohen dhe ekzekutohen sipas Sharisë, ligjit islamik. Reagime
të ashpra nga ana e bashkësisë ndërkombëtare ndaj Iranit pas ndeshjeve të përgjakshme
ndërmjet manifestuesve të opozitës e forcave qeveritare të Teheranit me rastin e Hashurës..Sipas
të dhënave revolta që shpërtheu të dielën në Iran ka shkaktuar jetën e më së paku
15 personave. Sot është arrestuar përsëri inxhinieri Shahpour Kazemi, vëllai i
Zahra Rahnavardit, gruas së liderit reformist Mir-Hossein Moussavi, siç njofton faqja
e internetit ‘Enduring America’. Përveç Kazemit, autoritetet e Teheranit kanë burgosur
shumë gazetarë mes të cilëve edhe Mohammada Javad Saberi, i cili u ndal në afërsi
të Universitetit të Teheranit në rrugën Enghelab, Badrosadat Mofidi, kreu i Shoqatës
së gazetarëve iranian, Nasri Vaziri, Keyvan Mehregan. Gjatë revoltës së dielës mbet
i vra nipi i Moussavit, Seyed Ali. Barak Obama në mënyrë të prerë ka dënuar dhunën
në Iran, ku regjimi ka shtyp manifestimet popullore të këtyre ditëve duke përdorur,
siç u shpreh presidenti amerikan, “mizorisht grushtin e hekurt”. Obama ka kërkuar
lirimin nga burgu të personave që “padrejtësisht janë arrestuar”, të cilët janë me
dhjetëra qytetarë, me qindra sipas burimeve të gazetarëve që afër organizatave jo
qeveritare. Sipas presidentit të SHBA-së reagime të ashpra, siç janë ato të autoriteteve
të Teheranit këtyre ditëve, “verifikohen atëherë kur Qeveritë i frikohen më shumë
popullit të vet se sa qeverive të kombeve tjera”. Obaka i ka kërkua ” Qeverisë
iraniane të përgjigjet ndaj obligimeve ndërkombëtare në fushën e respektimit të të
drejtave të popullit të vet”, duke shtuar se historia do të jetë pranë atyre që kërkojnë
drejtësinë”. Edhe Moska ka shpreh shqetësimin për dhunën e re që është regjistruan
në Teheran e i ka bërë thirrje Qeverisë iraniane të tregohet më e matur për të shmangur
kështu përkeqësimin e ndeshjeve. Po, ndërkohë, autoritetet e Teheranin vazhdojnë
me valën e arrestimeve ndër aradhet e opozitarëve. Avokati iranian Shirin Ebadi,
Çmimi Nobel për paqen, ka denoncuar arrestimin e motrës së tij, duke thënë se është
një tentativë për të bërë shtypje ndaj që ta bind të motrën të ndërpres çdo aktivitet
në mbrojtje të të drejtave të njeriut.