Пасланне "Урбі эт Орбі" Папы Бэнэдыкта 16 на Божае Нараджэнне
У самы дзень Калядаў, значыць у пятніцу 25-га снежня, Святы Айцец а поўдні, з цэнтральнага
балкону Базілікі Святога Пятра, звярнуўся да вернікаў з Калядным Пасланнем, пасля
якога надзяліў сваё блаславенства “Урбі эт Орбі” (Гораду Рыму і свету). У сваім пасланні
Папа гаварыў аб паўсюднасці і салідарнасці Касцёла ў свеце , там дзе ёсць цярпенні
або пераследаванні. Сказаў, што суполнасць веруючых гэта звышнатуралнае “мы”, якое
ўзнікае дзякуючы святлу з неба. Гэтае святло пашыраецца па свеце “ў сэрцах і розумах
тых, якія добраахвотна адкрываюцца на ягоны блеск і стаюць крыніцамі святла”. Бэнэдыкт
16 сказаў далей, што дзе-колечы ёсць гэтае “мы” там блішчыць святло Хрыста, таксама
ў найбольш цяжкіх сітуацыях. І сёння Касцёл паўтарае чалавечай сям”і, намечанай глыбокім
эканамічным крызісам, а яшчэ больш маралным, балючымі ранамі войнаў і канфліктаў:
“Пойдзем у Бэтлеем” , там адшукаем нашу надзею. “Мы” Касцёла жыве
там, дзе нарадзіўся Езус, у Святой Зямлі, каб паклікаць яе жыхароў адкінуць логіку
насілля і помсты, а заангажавацца ў карысць мірнага суіснавання. “Мы” Касцёла прысутнае
ў іншых краінах Блізкага Усходу. Як не ўспомніць аб трагічнай сітуацыі ў Іраку і
аб гэтым “невялічкім статку” хрысціян, які жыве ў гэтым рэгіёне?. Там хрысціяне часта
церпяць з прычыны насілля і несправядлівасці, але заўсёды гатовыя ўключыцца ў стваранне
грамадскіх вузаў супраціўных логіцы напружанняў і непрызнавання бліжняга”- дадаў Папа. Адносна
Азіі Бэнэдыкт 16 прыпомніў, што “мы” Касцёла прыяўляецца ў дзеяннях у карысць прымірэння
і міру. Так адбываецца ў Шры Лянцы, на Карэйскім Паўвостраве і на Філіпінах. У вялікай
ступені тычыцца гэта і Чорнага Кантынэнту. “На афрыканскім кантынэнце жыхары Дэмакратычнай
Рэспублікі Конга не спыняюць ўзносіць ўпрошванні да Бога, каб быў пакладзены канец
усялякім крыўдам у іхняй краіне. “Мы” Касцёла заклікае жыхароў Гвінэі і Нігру да
пашаны правоў кожнае асобы і да дыялогу; жыхароў Мадагаскару кліча да пераадолвання
ўнутраных падзелаў і да ўзаемнага адкрыцця. “Мы”Касцёла прыпамінае ўсім, што ёсць
пакліканыя да надзеі, нягледзячы на драмы і выпрабаванні, якія іх надалей трывожыць”-
сказаў Папа. У Еўропе і Паўночнай Амерыцы “мы” Касцёла ўзбуджае да пераадолвання
эгаістычнага спосабу мыслення, да паболшывання супольнага дабра і да таго, каб мець
ў пашане найслабейшыя асобы, пачынаючы ад ненароджаных. У Гандурасе дапамагае нанава
ўзняць дарогу дзяржаўнага парадку; ва ўсёй Лацінскай Амерыцы “мы” Касцёла ёсць фактарам
, які фармуе тоеснасць, ёсць носбітам праўды і любові, якога не можа замясціць ніякая
ідэалогія, заклікам да пашаны правоў кожнае асобы і да яе поўнага развіцця, ёсць пасланнем
справядлівасці і братэрства, крыніцаю еднасці”- сцвердзіў Бэнэдыкт 16. Касцёл усюды
абвяшчае Евангельле Хрыстуса, нягледзячы на пераследаванні, дыскрымінацыі, атакі на
Яго а часам і на варожую абыякавасць, якія ў што-раз большай меры, дазваляюць яму
падзяляць долю свайго Настаўніка і Пана. На заканчэнне сваей прамовы Бэнэдыкт 16
выказаў салідарнасць з ахвярамі сціхійных няшчасцяў і ўбоства. Паклікаў даваць гасціннасць
асобам, якія пакінулі сваю краіну з прычыны голаду, неталерантнасці ці знішчэння натуральнага
асяроддзя. Перад надзяленнем Блаславенства “Урбі эт Орбі” Святы Айцец склаў святочныя
пажаданні ў 65 мовах. Было прывітанне і да беларусаў Так, так, дарагія
слухачы, вясёлых Калядных Святаў жадае вам беларуская праграма Ватыканскага Радыё.