Liturgjia e Fjalës së Zotit e solemnitetit të Familjes së Shenjtë
Ja përsëri në takimin tonë javor të së shtunës me Fjalën e Zotit të liturgjisë hyjnore
të së dielës, këtë herë do të meditojmë dhe dëgjojmë leximet biblike të festës së
Familjes së Shenjtë të Jezusit, Marisë e Jozefit. Pra kremtojmë festën e Familjes
së Shenjtë, model virtytesh e të dashurisë së vërtetë për të gjitha familjet. Megjithëse
nuk arrijnë ta kuptojnë plotësisht e deri në fund misterin e Foshnjës që Zoti u ka
besuar, Jozefi e Maria kanë besim në Zotin e në realizimin e premtimeve të shëlbimit
paralajmëruar etërve qysh në kohën e profetëve. Në kundrimin e familjes së Jezusit,
leximet biblike të kësaj së diele e orientojnë vëmendjen tonë ndaj misterit të të
birit, duke treguar në mënyrë të ndryshme se si ky realitet është i rëndësishëm për
të kuptuar marrëdhëniet tona me Zotin. Shembulli i Familjes së Shenjtë na përkujton
se të gjithë jemi të thirrur të bëjmë pjesë në familjen universale të Hyjit Atë e
të gjithë njerëzit janë anëtarë të kësaj vatre që është gurrë e pashtershme dashurie
e vëllazërimi. Familja është në qendër të mendimit të Zotit e këndej në qendër
të botës së krijuar nga Zoti. Këtë na tregon shumë mirë tregimi biblik mbi krijimin.
Zoti don që familja të karakterizohet, të shquhet nga një dashuri e vetme dhe e përbashkët:
kjo është një nevojë dhe domosdoshmëri për respektimin e dinjitetit të qiftit të martuar,
burrit e gruas dhe për respektimin e dinjitetit të fëmijëve. Familja, sipas Biblës,
është dhe duhet të jetë pasqyrë besnike e fytyrës së Zotit Dashuri. Ti dëgjojmë
leximet biblike të liturgjisë së Fjalës së Zotit të festës së Familjes së Shenjtë.
Liturgjia e Fjalës
Leximi
i parë 1 Sam 1, 20-22.24-28 Ana, shumë vite pa fëmijë, është
e ndërgjegjshme se Samueli iu dhurua nga Zoti si përgjigje e lutjes së saj. Për këtë
së bashku me burrin shkon për të kushtuar të birin në shërbim të tempullit. Çdo fëmijë
është një dhuratë e Hyjit.
Lexim prej
Librit të parë të Samuelit
Brenda vitit, Ana mbeti
shtatzënë e lindi një djalë dhe ia ngjiti emrin Samuel, sepse ia kishte lypur me uratë
Zotit. Elkana me mbarë familjen e vet shkoi për t'i kushtuar Zotit flinë vjetore
dhe për ta kryer kushtin e vet. Ana nuk shkoi. Ajo i tha burrit té vet: “Unë nuk do
të vij derisa të vijë koha ta ndaj djalin prej gjiri. Atëherë do ta paraqes te Zoti
dhe do ta lë aty përgjithmonë.” Pasi e ndau nga gjiri, mori me vete djalin, një mëzat
tre vjetësh, dy koshiqe miell e një rrëshiq me verë dhe e çoi djalin në Silo në Shtëpinë
e Zotit. Fëmija ishte ende shumë i njomë. E flijuan mëzatin dhe djalin e paraqitën
te Heliu. Atëherë Ana i tha: “Më dëgjo, imzot. Pasha jetën tënde, unë jam
ajo gruaja që pati qëndruar këtu pranë teje duke iu lutur Zotit. U Iuta për këtë fëmijë
dhe Zoti ma plotësoi uratën time për çka iu luta. Prandaj edhe unë po e jap në shërbim
të Zotit; për sa të jetë gjallë, i dhurohet Zotit.” Dhe adhuruan Zotin. Kështu brenda
vitit Ana mbeti shtatëzënë e lindi një djalë dhe ia ngjiti emrin Samuel, sepse ia
kishte lypur me uratë Zotit. Elkana me mbarë familjen e vet shkoi për t'i kushtuar
Zotit flinë vjetore dhe për ta kryer kushtin e vet. Ana
nuk shkoi. Ajo i tha burrit té vet: “Unë nuk do té vij derisa té vijë koha ta ndaj
djalin prej gjiri. Atëherë do ta paraqes te Zoti dhe do ta lë aty përgjithmonë”.
Pasi e ndau nga gjiri, mori me vete djalin, një mëzat tre vjetésh, dy koshiqe
miell e nje rrëshiq me verë dhe e çoi djalin në Silo né Shtëpinë e Zotit. Fëmija ishte
ende shumë i njomë. E flijuan mëzatin dhe djalin e paragitën te Heliu. Atëherë Ana
i tha: “Më dëgjo, imzot. Pasha jetën tënde, unë jam ajo gruaja që pati qëndruar këtu
pranë teje duke iu lutur Zotit. U luta për këtë fëmijë dhe Zoti ma plotësoi uratën
time për çka iu luta. Prandaj edhe unë po e jap në shërbim të Zotit; për sa të jetë
gjallë, i dhurohet Zotit”. Dhe adhuruan Zotin. Fjala e Zotit.
Psalmi
84 Jetë dhe bekim mbi shtëpinë që e druan Zotin ---------- Lum
njeriu që e druan Zotin, që ecën udhëve të tija! Do të ushqehesh
prej punës së duarve të tua, i lumi ti, mirë do të kalosh. ---------- Gruaja
jote: vresht plot fruta në dhomat e shtëpisë sate; djemtë e tu:
pinjoj ulliri përreth tryezës sate! ---------- Ja, se
si bekohet njeriu që e druan Zotin! Të bekoftë Zoti prej Sionit, e
pafsh lumturinë e Jeruzalemit në të gjitha ditët e jetës sate. ----------
Leximi
i dytë 1 Gjon 3, 1-2. 21-24 Përtej familjes së shenjtë të
formuar nga Jezusi, Jozefi dhe Maria është një familje më e madhe hyjnore: Hyji është
Ati, Biri është i parëlinduri i një shumice vëllezërish që Shpirti Shenjt i bashkon
në besim dhe mirësi.
Lexim prej Letrës së parë të
Gjonit
Shikoni ç’dashuri të madhe na dhuroi Ati sa
që quhemi bijtë e Hyjit edhe jemi! Bota nuk na njeh sepse nuk e njeh Atë. Të dashur,
tani jemi fëmijët e Hyjit, por çka do të jemi ende nuk u zbulua. Kaq dimë: kur të
shfaqet do të bëhemi të ngjashëm me Të, sepse do ta shohim ashtu siç është. Fort
të dashur! Nëse zemra nuk na padit, mund të shkojmë me guxim te Hyji dhe çkado që
kërkojmë, prej Tij e marrim, sepse i mbajmë urdhërimet e Tija dhe bëjmë çka Atij i
pëlqen. Ky është urdhri i Tij: që të besojmë në Emrin e Birit të Tij – në Jezu Krishtin
dhe ta duam njëri-tjetrin, si Ai na urdhëroi. Kush i mban urdhërimet e Tija, mbetet
në Hyjin dhe Hyji në të. Me këtë e dimë se Ai mbetet në ne: me anë të Shpirtit që
na e ka dhënë. Fjala e Zotit. Ungjilli Lk 2, 41-52 Mes
dijetarësh të tempullit shfaqet për herë të parë “misteri i Jezusit”. Maria, e ëma,
është e tronditur nga humbja e Jezusit dhe mbetet emahnitur nga përgjigjja
e Jezusit. Rrugët e Hyjit nuk janë tonat dhe ndonjëherë na habitin. Jezusi kthehet
në Nazaret dhe për 18 vjet jeton nën kujdesin e prindërve. Leximi
i Ungjillit shenjt sipas Lukës Prindërit e Jezusit për çdo vit
shkonin në Jerusalem për të kremten e Pashkëve. Kur Jezusi i mbushi të dymbëdhjetat,
u ngjitën sipas dokes së festës. Si kaluan ato ditë, ata u kthyen, kurse Jezusi ende
fëmijë, u ndal në Jerusalem pa dijen e prindërve të vet. Duke qenë të bindur se është
me turmën, ecën ashtu një ditë rrugë e atëherë zunë ta kërkojnë ndër kushërinj e të
njohur. Pasi nuk e gjetën, u kthyen në Jerusalem për ta kërkuar. Pas
tri ditësh e gjetën në Tempull mes dijetarësh duke i dëgjuar ata dhe duke u bërë pyetje.
Të gjithë ata që e dëgjonin, i mrekullonte dija dhe përgjigjet e tija. Kur e panë,
u çuditën dhe e ëma i tha: “Ç’na bëre kështu, o bir? Ja, yt atë dhe unë të kërkuam
plot pikëllim!” Ai u përgjigji: “Po, pse më kërkuat? A nuk e dinit se më duhet të
merrem me punët e Atit tim?” Por ata nuk kuptuan çka deshi t’u thotë. Atëherë
Jezusi u kthye me ta, erdhi në Nazaret dhe i dëgjonte. E ëma i ruante me kujdes në
zemër të gjitha këto ngjarje. Ndërkaq Jezusi përparonte në dije, në moshë e në hir
para Hyjit e para njerëzve. Fjala e Zotit!
Me teper ketu mund te degjoni
programin e plote kushtuar Familjes se Shenjte te Nazaretit...00:18:59:69
Dëgjues
të nderuar gjendemi në kohën e Krishtlindjes e vazhdojmë të kundrojmë misterin e mishërimit
të Zotit tonë Jezu Krishtit, vazhdojmë ta ardhurojmë Zotin që ka dashur të lind në
Familjen e Nazaretit për të na mësuar edhe ne po ato virtyte që lulëzuan në familjen
e Jezusit. Pra, kjo festë na propozon si reflektim misterin e jetës së Jezu
Krishtit. Fjala e mishëruar e Hyjit u inserua e hyri thellësisht e rrënjësisht në
realitetin njerëzor duke marrë pjesë në të gjitha përmasat. Kështu kjo festë na përkujton
edhe një herë se Familja është e mira më e çmueshme, se Familja është vlera më e shtrejtë
që njerëzimi ka e prandaj Jezusi, Maria e Jozefi janë shembuj për ne se si duhet të
jetojmë në përkim e dashuri unitetin familjar. Kremtimi i festës së Familjes së
Shenjtë në të dielën e parë pas Krishtlindjes ka një domethënie shumë të qartë: Fjala
e Zotit duke u mishëruar, ka dashur ta shenjtëroi natyrën njerëzore në të gjitha aspektet
e saj, e mes këtyre aspekteve themelor është ai i familjes. Tema e familjes
është jashtëzakonisht aktuale edhe sot, e Fjala e Zotit e kësaj feste na tërheq vëmendjen
tonë të të gjithëve, prindër e fëmijë ndaj vlerave njerëzore nga të cilat duhet të
burojnë sjelljet dhe verpimet e mira e të drejta, në mënyrë që çdo familje të jetë
e denjë të quhet Familje; vend i formimit të personit, vend i kultivimit dhe i rritjes
e rrezatimit të vlerave njerëzore, shpirtërore, shoqërore, kulturore, kombëtare e
botërore. Kisha kërkon që çdo familje të marrë si shembull familjen e Nazaretit,
duke i qëndruar forcave që duan ta shkatërrojnë e ta minojnë themelet e shenjtërinë
e saj. Pikërisht në ditën e festës kushtuar Familjes së Shenjtë, Kisha i lutët Zotit
duke kërkuar mbrojtjen e shën Marisë e të shën Jozefit për çdo familje, veçanërisht
për ato që janë në vështirësi. I ndihmofshin familjet, që të dinë t’u qëndrojnë shtysave
shkatërruese të një lloj kulture bashkëkohore, që minon bazat e vetë institucionit
familjar. I ndihmofshin familjet e krishtera të jenë, në çdo anë të botës, pasqyrë
e shembull i gjallë i dashurisë së Zotit e solidaritetit ndërnjerëzor.