(25.12.2009 RV)Legjendë prej Oskar Uajld, përkthyer nga Dom Lazër Shantoja1 Për
gjith masdite e kishin zakon fmija, kuer delshin prej shkollet, me hîi e me luejtë
n’lulishte t’viganit. Ishte kjo nji lulishte e madhe e e bukur mblue me barë t’njomë.
Andêj e ktej shperdaa mîi barë u dukshin lule porso hyj e dymdhet pjeshka qi n’prênverë
ishin plot me lule t’njoma, bardhkuqe, e qi n’vjeshtë i kishin gêmat dêng me fryte.
Zogjt vishin neper pêmë e kndoshin kaq amel, qi ka ‘i herë fmija lêshin lojen per
me i ndîi. “Oh! Sa t’lum jena ktû” i thoshin shoqishojt. Nji ditë prej ditësh po
kthen vigani. Aj kishte pasë shkue n’Kornwall me paa mikun e vet Ogrin, e kishte ndêjë
te ky shtatë vjet. Si kaluene kto shtatë vjet e s’kishte mâa çka me i thanë, dau me
u kthye n’keshtjell t’vet. Kuer mrrîti, pau fmiit tuj luejt n’lulishte. “Çka po
bâni ktû?” bertiti plot idhnim. E fmija u vûnene n’t’ikun. “Kjo lulishte âsht e êmja”-
tha vigani - gjithkush do t’a diin, e veç une mundem me luejtë n’tê .” E per m’u segurue
mâa mirë e rrethoj me nji muer t’neltë e ngrehi nelt edhè nji tabelë me kto fjalë:
“ S’âsht lêja me hîi n’lulishte.” Ishte pernjimênd nji vigan egoist fort. Fmiit
e shkretë nuk dishin têsh kurrsesi se kû me shkue me luejt. Sprovuene me luejtë n’rrugë
t’madhe, por kjo ishte plot pluhun e gur, e fmiis s’u bâte me luejt aty. Kuer delshin
prej shkollet u sjellshin rreth atii murit tuj shetitë e flitshin per at lulishte
t’bukur qi ishte mrêndë. “Oh! Saa t’lum ishim na atjè” thoshin. Mandej duel
prêndvera e t’tanë aj vênd u mush me lule e me zogj. Veç n’lulishte t’viganit egoist
ishte endè dimen. Zogjve nuk u kishte ânda me kndue têsh qi nuk ishin fmija, e pêmët
kishin harrue me bulue e me lulzue. Nji herë po nji lule e vogel e qiti kryet jashta
barit; por kuer pau tabelen, pati kaq keq per fmiii qi hîni prep n’dhee e shkoj me
fjetë. T’vetunit qi ishin kondend ishin bora e akulli. “Prêndvera e kaa harrue lulishten
- thoshin kto - kshtû tash jetojmë na gjith vjeten!” Bora e mlote barin si me
nji çarçaf t’madh e t’bardhë, e akulli i kishte njye pêmët marë n’bojë t’argjantit.
Mandej thirrne kah vedi verin, e edhè ky erdh. Ishte pshtjellë krejt n’gzofe e bertitte
gjith diten per rreth lulishtes e fryte n’tymtaret e shpijave qi ishin aty pari. “Ktû
â mirë me ndêjë - thote aj – e kishte me kenë mirë me thirrë edhè breshnin me na
paa.” Kshtû ja mrrini edhè breshni. Per gjith ditë kah tre sahat paa ja da rrahte
pullazin e shpiis, deri saa i thej gadi t’tana tjegllat, e mandej ngau saa mâa shpejt
n’lulishte. Ish veshë krejt n’boj-hîi e frymen e kishte akull. “S’po mûnd t’marr
vesht, pse â tuj vanue simjet kaq fort prêndvera” thote vigani egoist, qi rrite tu
dritorja prej kah shikjote lulishten e ngrîme . “Majë uzdajë qi shpejt kaa me ndrue
moti.” Porsè prêndvera s’erdh e as vera s’u duk. Vjeshta i falte sejcilles lulishte
pêmë t’arta; vetun lulishten e viganit e kish lânë paa gjâa. “Aj â teper egoist” thote
vjeshta. Kshtû met aty gjithmonë dimen e fryte veri, breshni e bora kcejshin neper
pêmë. Nji ditë ishte vigani shtrîmun n’shtrat, kuer qe po ndîin nji muzikë per
bukurii. Kaq amel ja preku veshin, qi kujtoj se muziktarët e rregjit po kaloshin andêj
pari. Porsè s’ish tjeter veçse nji trumcak qi i kndote para dritores, por kaq kohë
kishte kalue paa ndîi tuj kndue zogj n’lulishte t’vet, qi zâni i trumcakut i tinglloj
n’vesh porsi mâa e bukra muzikë e dheut. Mandej breshni s’kcej mâa mîi krye t’tij,
veri s’fryte mâa e nji eer e kânshme i hîni mrêndë prej dritores. “Une kujtoj se ja
mrrîni mâa prêndvera” tha vigani; e kcej shtratit e kqyri jashtë. Çka pau? Pau
diçka m’u bindë! Per nji birucë t’murit kishin hîi n’lulishte fmija, e tesh rrishin
mii degë t’pêmve. N’secillen pêmë qi mujte me paa, rrite nji fmii i vogel. E pêmët
ishin kaq t’lume me pasë rishtas fmiit, qi ishin mlue plot me lule e shtroshin amel
degët e veta mii krena t’fmiive. Zogjët fluturoshin per rreth e pingroshin plot mallë
e lulet qitshin syet jashta barit t’blerë e qesheshin. Ish nji t’pamm per bukurii. Veç
m’nji skâjë t’lulishtes ishte endè dimen. Ishte skâji mâ i lergti i lulishtes, e atjè
rrite nji fmii i vogel. Ishte kaq i vogel qi s’mujte me mrrîit tu degët e pêmës, e
prandej u siellte rreth trupit e kjate me t’a kputë zêmren. E shkreta pêmë ishte
endè mlue krejt me borë e akull, e veri s’prate tuj frye rreth sajë. “Kacaviru, o
fmîi i vogel” thote pêma, e i perkulte saa kû mujte degët e veta. Por fmija ishte
teper i vogel. E zêmra e viganit u shkrîi krejt kuer pau jashtë. “Oh! Saa egoist
paskam kênë! thote. Tesh po e di pse s’dote me ardhë prêndvera. Un due me e vûe at
fmiin e vogel mii pêmë, e mandej due me i rrenue muret, e lulishtja jeme do t’mesin
gjithmonë si vêndlojet per fmii.” E kishte pernjimênd keq se kish kênë parandej aq
egoist. Kshtû u ul prej shkallet, çili dalë kadalë deren e hîni n’lulishte. Por
tek saa e pane fmija, kaq fort u trêmne qi ikne me ‘i herë e me ‘i herë u bâa prep
dimen n’lulishte. Veç fmija i vogel nuk lujeti vêndit, pse i kishte syet kaq mushë
me lot qi s’mujt me e paa viganin. E vigani ju avit si tinëz, e muer kadalë n’duer
t’veta e e vûni mîi pêmë. E me’i herë u mlue pêma me lule e erdhne zogjt e knduene,
e fmija i vogel hapi t’dy kraht e vet, shtrerngoj qafen e viganit e e puthi. E kuer
fmija tjerë pane se vigani nuk ishte mâa aq i keq, kthyene prep n’lulishte e me ta
kthej edhè prêndvera. “Mas sodit kjo lulishte âsht e jueja, o fmii t’dashtun”
tha vigani, e muer nji teskë t’madhe fort me t’cillen rrxoj murin. E kuer shkojshin
gjindja n’pazarë n’mjesditë, pane viganin tuj luejtë me fmii n’lulishte t’vet, e lulishtja
ishte mâa e bukra e dheut. Gjith diten aty lojshin fmija, e ne e mrame shkojshin
tu vigani per me i thanë lamtumirë. “Po kû â shoqi i juej i vogli – tha aj, -
kû âsht aj fmii qi kam vûe mîi pemë?” Vigani e dote permii tjerë, pse aj e kishte
puthë si puthë fmija baben. “Nuk e diim” pergjigjne ata! “Aj kaa dalë e shkue”. “Ju
do t’i thoni qi t’viin neser me t’saktë”. Porsè fmija i thane qi s’ja diishin
shpiin e qi kurr s’e kishin paa parandej. E viganit i hini trishtim i madh. Per
gjith masdite, kuer marote shkolla, vîshin ata camerdhokë n’lulishte e loshin me viganin. Por
aj i vogli qi dote vigani nuk u duk mâa. Vigani i dote edhè fmiitë tjerë, porsè
kishte mâllë per atë fmin e vocerr, e shum herë flitte per tê. “Oh! Ç’kishe dishrue
me e paa!” thote shpesh herë. Kaluene vjet e vjet, e vigani filloj m’u plakë e
m’u thîi. S’ishte mâ i zoti me luejtë, e prandej u pshtette m’nji karigë t’madhe prej
kah vête oroe fmiit e lulishten. “Une kam shum lule t’bukura, - thote, - por fmija
janë lulet mâa t’bukra qi kam.” Nji ditë nadje dimnit kqyrte prej dritorjet tuj
u mathë. Têsh nuk e kishte mâa n’mênd dimnin, pse e diite se prêndvera flête e se
prep do t’çilshin lulet. Me ‘i herë si i habitun ferkoj syt e kqyr e kqyrë. Çka pau
ish nji sênd me t’mrekullue. N’skâjë mâa t’lergtë t’lulishtes ishte nji pêmë mlu krejt
me lule t’bardha per bukurii. Degët i kishte arit e fryte argjantit ishin vjerrë n’të,
e nën tê rrite fmija i njomë qi aq fort e dote. Plot shênd ulet vigani prej shkallës
e nget n’lulishte. Shkelë tuj ngaa barin e i avitet fmiis. Por si ju avit mirë, i
kcej gjaku n’krye e tha plot idhnim: “Kush kaa guxue me t’plague kso dore?” Persè
ner shplakë t’duerve t’atii t’vocrrit u dukshin shêjet e dy gozhdave, e u dukshin
edhè ner kamë t’njoma. “Kush kaa guxue me t’plague kso doret? - bertiti prep
vigani - m’kalxò, e unë po marr nji shpatë t’madhe e po ja pres kryet.” “Jo –
pergjegji fmija - pse kto janë varrët e dashtniis.” “Kush je ti? “. Tha vigani,
e nji dhimë e fortë i hini n’zêmer, e u ul n’gîuj para fmiis s’vocerr. Fmija bâni
buzen n’gaz e tha: “Ti m’kee lanë dikuer me luejtë n’lulishte t’ande, sot do t’vîsh
me mue n’lulishte t’ ême, qi â Parrizi.”E kuer fmija tjerë masdite shkuene me luejt
n’lulishte, gjeten viganin dekun nên at pêmë, mlue krejt me lule t’bardha.