Tefta Tashko Koço, soprane e shquar në përvjetorin e vdekjes
(22.12.2009 RV)Duke shfletuar kalendarin historik, kujtojmë se si sot me 22
dhjetor të vitit 1947 vdiq Tefta Tashko Koço, artiste e shquar, soprano lirike. Tefta
Tashko Koço lindi në Fajum të Egjiptit, në vitin 1910. Studimet për kanto i filloi
në Francë, në qytetin Monpelje, dhe i vazhdoi në Paris në Institutin e Lartë të Muzikës.
Në vitet 1931-1932 mori pjesë në konkurset e organizuara nga konservatori i Parisit,
nga "Opera Komike" ku debutoi me rolin e Baterflait dhe u vlerësua për cilësitë e
saj vokale-interpretative. Veprimtarinë koncertale në Shqipëri e nisi në vitin 1935,
duke dhënë koncerte në të gjitha qytetet e vendit.