Экумэнізм: Масква парвала адносіны з Эвангэльскаю Царквою Нямеччыны
Маскоўскі Патрыярхат адмаўляе далейшага супрацоўніцтва з гэтым Касьцёлам у
дагэтуляшнім памеры. Змена адносінаў спрычынена назначэннем на кіраўніка гэтае Царквы
жанчыны, Маргот Кэзман. Ілярыён Альфееў, старшыня Аддзялення Вонкавых Кантактаў
Маскоўскага Патрыярхату гаворыць: “ня гледзячы на тое, што і раней мы не прызнавалі
існавання святарства ў пратэстанцкіх суполнасцях, не прызнавалі іх за Цэрквы ў нашым
разуменні, мы вялі дыялог з некаторымі з іх на плоскасці Царква-Царква. Сёння сітуацыя
змянілася. Жанчына стала кіраўніком Эвангэлскае Царквы ў Нямеччыне. У асноўным змянілася
сітуацыя і дыялог з ранейшага памеру стаіць пад знакам запытання”. “Міма 50-ці
гадоў дыялогу другі бок пайшоў у напрамку, які паглыбляе асноўныя розніцы адносна
праваслаўнае традыцыі”- чытаем у лісце прадстаўніка Маскоўскага Патрыярхату да кіраўніка
Эвангэльскае Царквыв ў Нямеччыне. Арцыбіскуп Ілярыён дадаў, што “для праваслаўных
вернікаў, якіх думкі мусім браць пад увагу, поўнасцю не да прыняцця ёсць адносіны
з Царквою, якой кіраўніком была выбрана жанчына”. Арцыбіскуп Ілярыён выказаў надзею,
што адносіны з нямецкімі пратэстантамі не будуць поўнасцю сарваныя, але набіраюць
цяпер іншага характару.