Rubrika “Shtigjeve të Krishtlindjes”: “Duhet të shkojmë të gjithë në Parriz”.
(15.12.2009 RV)Emisioni i gjashtëmbëdhjetë i rubrikës “Shtigjeve të Krishtlindjes”
na kujton detyrën themelore që ka çdo i krishterë: “Të jetojë në mënyrë të tillë,
që në fund të fundit t’i hapen portat e Parrizit. Por, si duhet jetuar, për të fituar
lumturinë e amshuar? Jezusi, nga Ungjilli i Shën Mateut, na kujton:
“Me të vërtetë po ju them: publikanët e gratë e përdala
kalojnë para jush në mbretëri të Hyjit. Mt, 28-32
Krishti kalon mbi dhe e le pas, gjurmë shenjte në udhë të mizërisë. Po Zoti
s’mendon si njeriu, që s’mund të mos shkandullohet: “Siii? Të gjithë paskan
mundësi? Cubat , bracat e deri të përdalat? Po ky është shkandull, shkandull! Ky
Krishti është çmendur fare! E sikur të jetë e vërtetë? Sikur përsosuria që
nuk arrihet kurrë pse tepër e vështirë, të mund të arrihet? Apo s’ka rëndësi
se s’arrihet, rëndësi ka të shkosh drejt saj?! Shenjtëria nuk është zbatim
absolut i ligjit Është ndjeti i mirë, që zemrën ta rrëmben e të nxit të
sulmosh drejt majash. Askush rrëzimit s’i shpëton. Po ti duhet të ngrihesh përsëri e
ta rinisësh udhën. Nuk ka rëndësi se shkon duke çaluar: Të ecësh çalë- çalë, s’do
të thotë të biesh në mëkat. Edhe duke çaluar, mund të shkosh drejt e në Parriz!E
mos u tremb nga faji yt: e madhe është gjëma e mëkatit, po është më e madhe,
fuqia e hirit. Feja jonë: jetë brenda varrit, dritë brenda natës, hir
brenda shtatit mëkatar!”.