Papa lutët para Zojës së Papërlyer në sheshin e Spanjës në Romë e pohon: dashuria
ndaj tjetrit mund ta ndryshojë shoqërinë tonë, po kjo për mediat nuk është lajm sensacional.
(08.12.2009 RV)Duke përfunduar fjalimin e tij gjatë kremtimit të festës së
Zojës së Papërlyer në Sheshin e Spanjës në Romë, Papa Benedikti XVI deshi t’u “bënte
homazhe publike” shumë personave që në forma të ndryshme janë të impenjuar për “t’iu
përgjigjur së keqes me të mirën”, duke nënvizuar, me një kritik të mëtejshme ndaj
mediave që “rrallë herë janë lajm sensacional”. Papa foli për “të gjithë ata njerëz
që në heshtje, jo me fjalë por me vepra, orvaten ta zbatojnë ligjin ungjillor të dashurisë,
që e çojnë përpara botën. Janë shumë, edhe këtu në Romë, e rrallë herë bëjnë jehonë,
e veprat e tyre të dashurisë nuk janë lajm me interes për mediat. Janë burra e gra
të çdo moshe, që e kanë kuptuar se nuk shërben asgjë të dënosh, të ankohesh, të hakmerresh,
por ja vlen t’i përgjigjes së keqes me të mirën, urrejtjes me dashuri. Kjo i ndryshon
sendet; apo më mirë i ndryshon njerëzit e, si pasojë, e përmirëson shoqërinë”. Prandaj
Papa i ftoi romakët e të gjithë njerëzit vullnet mirë, ta dëgjojnë zërin e Marisë
Virgjër, “derisa jemi të zënë me veprimtarinë e përditshme”, ta dëgjojmë zërin që
fton t’i ndryshojmë gjërat “duke u nisur nga zemra jote e nga jeta jote personale!
E qyteti - përfundoi Papa - do të jetë më i bukur, më i krishterë, më njerëzor”.