Nderimi i Atit të Shenjtë Benediktit XVI ndaj Zojën e Papërlyer në Sheshin e Spanjës,
në Romë.
(08.12.2009 RV)Po sot pasdite Papa Racinger, sikurse është traditë tashmë çdo
8 dhjetor, shkoi në Sheshin e Spanjës, një nga më të famshmit e Romës, mbushur plot
me besimtarë, për të nderuar Zojën e Papërlyer, vendosur në majë të një obelisku mjaft
të lartë, shprehje e devocionit popullor që ka zënë rrënjë që me Piun XII.
Solemniteti i Virgjërës së Papërlyer është pjesë e Kohës së Ardhjes së Tenzot, të
Krishtlindjes, pra. Por çfarë kremton Kisha sot, në këtë ditë të veçantë? Në mirkrofonin
tonë flet Atë Alberto Valentini, monfortan, biblist, docent i mariologjisë
pranë universitetit papnor Marianum në Romë. Ta dëgjojmë:
Përgjigje:
Sot kremtohet fuqia e hirit të Tenzot: Maria është hiri i pastër, është thjeshtë dhanti
e Zotit.
Pyetje: “E Papërlyera”. Ç’do të thotë ky titull për gruan moderne,
për gruan e mijëvjeçarit të tretë?
Përgjigje: Do të thotë “e pa njollë”. Si
gjithmonë hiri i Tenzot e shndërron jetën tonë. Aty ku është i pranishëm Zoti, jo
vetëm kthehemi në gjendjen fillestare të bukurisë e të mirësisë të projektit të Zotit,
por arrijmë edhe plotësimin e veprës sonë në Krishtin. Mendoj se gruaja e sotme po
zbulon gjithmonë e më shumë Marinë si pikë referimi, si person të pacënuar, që e di
vendin e saj në jetë dhe mbi të gjitha si një person që tha një “po” prej të cilit
varet fati i të gjithë neve...