Կիրակնօրեան աւետարանական ընթերցում

Կիրաիկի 6 դեկտեմբեր, Դ. Կիրակի Յիսնակաց:

Ընթերցում Ս. Ղուկաս Աւերարանէն 14 գլուխ, 12-24 համարները։

Կիրակնօրեան աւետարանական ընթերցում

Կիրաիկի 6 դեկտեմբեր, Դ. Կիրակի Յիսնակաց:

Ընթերցում Ս. Ղուկաս Աւերարանէն 14 գլուխ, 12-24 համարները։



Ընթերցուած Սուրբ Ղուկաս Աւետարանէն



¹²Յիսուս ըսաւ զինք հրաւիրողին. ’’Երբ ճաշ կամ ընթրիք տաս, մի՛ հրաւիրեր ո՛չ բարեկամներդ, ո՛չ եղբարներդ, ո՛չ ազգականներդ, ո՛չ ալ հարուստ դրացիներդ, ¹³որպէս զի փոխարէն անոնք ալ քեզ չհրաւիրեն եւ հատուցում ըլլայ քեզի: Ընդհակառակն, երբ խնջոյք սարքես, հրաւիրէ աղքատները, հաշմանդամները, կաղերը, կոյրերը ¹⁴եւ երջանիկ պիտի ըլլաս, որովհետեւ անկարող են քեզի փոխադարձելու եւ փոխարէնը քեզի պիտի տրուի արդարներու յարութեան օրը’’: ¹⁵Այս խօսքերը լսելով՝ բազմականներէն մէկը ըսաւ Յիսուսի. ‘Երանի՜ անոր որ ճաշ պիտի ուտէ Աստուծոյ Արքայութեան մէջ’: ¹⁶Յիսուս պատասխանեց. ’’Մարդ մը մեծ խնջոյք պատրաստեց եւ բազմաթիւ մարդիկ հրաւիրեց: ¹⁷Ընթրիքի պահուն, մարդ ղրկեց, ըսելու հրաւիրեալներուն. ‘Եկէ՛ք, ամէն բան պատրաստ է’: ¹⁸Ամէնքն ալ սկսան հրաժարիլ: Առաջինը ըսաւ. ‘Դաշտ մը գնեցի, պէտք է երթամ տեսնեմ. խնդրեմ, նկատի մի՛ առներ զիս’: ¹⁹Ուրիշ մը ըսաւ. ‘Հինգ լուծ եզներ գնեցի, կ’երթամ զանոնք փորձելու. խնդրեմ, հրաժարած համարէ զիս’: ²⁰Ուրիշ մըն ալ ըսաւ. ‘Ամուսնացայ, չեմ կրնար գալ’: ²¹Վերադարձին՝ սպասաւորը այս պատասխանները հաղորդեց տիրոջ: Զայրացաւ տանտէրը եւ սպասաւորին ըսաւ. ‘Գնա՛ քաղաքին հրապարակներն ու փողոցները եւ բեր աղքատները, հաշմանդամները, կոյրերն ու կաղերը’: ²²Յետոյ սպասաւորը դարձեալ եկաւ եւ ըսաւ. ‘Տէ՛ր, հրամաններդ կատարուեցան, սակայն տակաւին տեղ կայ’: ²³Տէրը ըսաւ սպասաւորին. ‘Գնա՛ ճամբաներն ու պարտէզները, ստիպէ մարդիկ որ գան, որպէս զի տունս լեցուի’: ²⁴Որովհետեւ, կ’ըսեմ ձեզի, նախապէս հրաւիրեալներէն եւ ո՛չ մէկը պիտի ճաշակէ իմ ընթրիքէս’’: