Багародзічная малітва "Анёл Гасподні" ў нядзелю 29-га лістапада
А паўдні гэтага дня, ў першую нядзелю Адвэнту Папа сустрэўся з вернікамі, якія
прыйшлі на Плошчу Сьвятога Пятра, каб супольна адгаварыць гэтую марыйную малітву.
У сваёй прамове да іх, перад ейным адгаварэньнем, Бэнэдыкт 16 гаварыў аб значэньні
гісторыі збаўленьня, што была паказана ў літургічным цыклу. Пачаты Літургічны Год
паказвае Божае дзеяньне ў чалавечай гісторыі, а з другога боку зьмяшчае чалавечае
жаданьне і дасьведчаньне, якія паказвае таксама дарога Адвэнту Сучасны сьвет
патрабуе перад усім надзеі. Жадаюць яе народы, якія знаходзяцца на дарозе да разьвіцьця,
але таксама гэтыя найбольш разьвінутыя эканамічна. Мы, што-раз больш усьведамляем
сабе справу з таго, што знаходзімся на той самай лодцы і ратавацца мусім усе разам.
Перад усім усьведамляем сабе, бачачы ўпадак так многіх фальшывых запэўненяў, мы патрабуем
надзеі, якая не падманлівае, а гэтую знаходзім толькі ў Хрысьце, які ёсьць, як паведамляе
Пасланьне да Гэбрэяў: “ўчора і сёньня, той самы таксама і на вякі”. Госпад Ісус прыйшоў
перад вякамі,- сказаў далей Папа.- прабывае цяпер і вернецца ў будучыні. Ён ахоплівае
ўсе памеры часу, бо ж памёр і ўваскрос, ёсьць “Жывучым” і падзяляючы з намі чалавечую
дачаснасьць, астаецца на заўсёды даючы нам Божую сталасьць. Ёсьць “целам” як мы
і “скалою” як Бог. Хто жадае свабоды, справядлівасьці, міру можа ўстаць і паднесьці
галаву, таму што ў Хрысьце набліжаецца адкупленьне”.- сказаў Сьвяцейшы Айцец. На
заканчэньне сустрэчы з вернікамі Папа прывітаў удзельнікаў маршу, які быў зарганізаваны
італьянскім Рухам Сямейнае Любові ў сувязі з дыскусіяю на тэму прысутнасьці крыжа
ў публічных месцах. Рымская маніфэстацыя, як прыпомніў Бэнэдыкт 16, была выяўленьнем
глыбокае любові да Крыжа, пацьверджаньнем яго рэлігійнае, гістарычнае і культурнае
вартасьцяў. Яшчэ Папа спаслаўся да Сусьветнага Дня Барацьбы з Хваробаю СНІД-у,
які прыпадае 1-га сьнежня. Сьвяцейшы Айцец ўспомніў асабліва дзяцей і ўбогіх, кранутых
гэтаю хваробаю а таксама тых, якія з яе прычыны ёсьць адкіданыя на ўскраіну грамадзтва.
Прыпомніў адначасна, што Касьцёл робіць вялікія намаганьні ў барацьбе з хваробаю СНІД-у.