Абодва прэзідэнты - дакладней, абедзьве,бо жанчыны, - каталіцкага веравызнання. Сваю
падзяку за асягненне міру для родных народаў яны склалі, звяртаючыся па далейшую дапамогу
да Папы Яна Паўла 2
Cпадарыні Бачалет і Фернандэс памаліліся апаўдні на магіле Папы Яна Паўла 2-га ў
гротах базілікі святога Пятра з падзякаю за прадухіленне ўзброеннага канфлікту 25
гадоў таму. Прэзідэнткі гэтых лацінаамерыканскіх краін выпрошвалі пасрэдніцтва памёрлага
Папы перад Богам, каб спаслаў доўгатрывалы мір і квітненне іхным радзімам, каб спыніўся
туды продаж зброі і міжнародныя інтрыгі, якія напрацягу дзесяцігоддзяў падпальваюць
кантынент. А перад тым прэзідэнт Аргентыны Крісціна Фернандэс дэ Кіршнер і прэзідэнт
Чілі Мішэль Бачалет Йеріа былі прынятыя Папам Бенедыктам 16 у ягонай бібліятэцы,
дзе кожная пагутарыла прыватна. Затым разам з дэлегацыямі адбылася сустрэча з Папам
у Клементынскай залі, дзе Бенедыкт 16 звярнуўся да іх з прамовай(Голас папы):" Прад
ухіленне ўзброеннага канфлікту -- Трактат аб міры зноў прыклікае ўспамін высокай постаці
Папы Яна Паўла 2-га",- адзначыў найперш Свяцейшы Айцец, аддаючы даніну павагі за гэта
таксама біскуствам Чылі і Аргентыны і тагачаснаму Дзяржсакратару Ватыкана кардыналу
Агасціна Казаролі. "Гэты Трактат дазволіў стварыць атмасферу дружбы і даверу, пераадолеўшы
мінулыя падазронасці ,- працягваў далей Папа. -Гэтаму спрыяла таксама каталіцкая традыцыя,
якая стаіць у аснове гісторыі, багатай культурнай і духоўнай спадчыны абодвух народаў.
Трактат ёсць бліскучым прыкладам перамогі чалавечага духу над варварствам гвалту і
вайны." Далей Папа падкрэсліў, што неабходна пастаянна ўважліва доглядаць за працэсам
дружбы, пастаянна трываць у дыялогу, знаходзячы неабходныя кампрамісы ва ўвазе інтарэсаў
народаў, каб "мір увайшоў у ментальнасць як вашых нацый, так і народаў кантыненту
і цэлага свету." Далей Папа крануў праблемы барацьбы з карупцыяй, неабходнасць падвышэння
адукацыі.(Голас Папы):" Каталіцкая Царква, якая працягвае на зямлі місію Хрыста, Які
памёр на Крыжы , каб прынесці супакой, прымірэнне і збаўленне, хай ўз'ядноўвае ўсіх
людзей добрае волі, каб неслі ў свет натхненне згоды."- прыклікаў Бенедыкт 16, паблаславіўшы
народы Андаў і Кардыльераў. Ён падзякваў прэзідэнткам за візіт і пажадаў трывалага
міру і дружбы між народамі Чылі і Аргентыны, што ўжо прынесла і будзе прыносіць плён
інтэграцыі, культурнага і эканамічнага развіцця на карысць усім, хто насяляе іхныя
краіны.