Serbi: zgjedhja e Patrikut të ri brenda dy muajsh, Sinodi do të mblidhet më 22 janar.
(25.11.2009 RV)Asambleja zgjedhore e Kishës Ortodokse serbe do të mblidhet
më 22 janar për zgjedhjen e Patrikut të ri. Kështu njofton një komunikatë e Sinodit
të Shenjtë, cituar nga agjencia Tanjug. Me vdekjen e Patrikut Pavle, në udhëheqje
të Kishës Ortodokse serbe që nga viti 1990, para dhjetë ditësh është hapur udha e
përgatitjes për zgjedhjen e Patrikut të ri, zgjidhje e cila , sipas ekspertëve, është
e kushtëzuar edhe nga elementet politike e konflikti i interesave. Ndër
kandidatët e përfolur për postin e Patrikut të Serbisë është peshkopi Amfilohije,
mitropoliti i Malit të Zi, peshkopi i Zvornikut e Tuzlës së Bosnjës Kaçavenda, peshkopi
i Vojvodinës Irinej Buloviç dhe peshkopi i Hercegovinës Gjuriç.