У Сьвятой Зямлі адкрыта Сінагога часоў Ісуса Хрыста
Руіны сінагогі ў Магдале (Ізраіль), якія паходзяць з часоў Езуса Хрыста, адкрылі
ізраільскія археолагі з Дэпартамента старажытнасці. Сенсацыйнае адкрыццё адбылося
падчас будаўнічых прац на тэрыторыі, якая належыць Легіянерам Хрыста. Варта нагадаць,
што 11 мая 2009 г. , падчас пілігрымкі ў Святую Зямлю, Святы Айцец Бэнэдыкт XVI благаславіў
камень, закладзены ў аснову Цэнтра Магдалы, задуманага як асяродак ўзаемнага дыялогу
і талерантнасці. На думку юдэйскіх і хрысціянскіх археолагаў, сінагога, адкрытая
ў Магдале, з’яўляецца адной з найстаражытнейшых, пабудаваных яшчэ да знішчэння Ерузалема
ў 70 г. У цэнтры руінаў сінагогі знойдзены камень з багатымі барэльефамі на 4 баках
і на верхняй частцы. Адным з самых цікавых дэкаратыўных элементаў сінагогі з’яўляецца
менора — падсвечнік для 7 свечак, які стаіць на трохвугольнай падстаўцы з дзвюма
амфарамі з правага і левага бакоў. У цэнтральнай частцы сінагогі можна ўбачыць фрагменты
мазаікі, фарбаваную тынкоўку, а таксама рэшткі каменнай лавы, на якой вернікі маглі
сядзець падчас набажэнстваў. Адкрыццё гэтага важнага сведчання юдэйскай супольнасці
І ст. н. э. з’яўляецца для Легіянераў Хрыста матывацыяй, каб стварыць Цэнтр дыялога
паміж рознымі рэлігіямі і культурамі у будучым комплексе. Даследчыкі адзначаюць, што
ў І ст. Магдала была населеным пунктам з 40-тысячным насельніцтвам, мела абарончыя
муры, іпадром, сінагогі і школы рабінаў. Мігдал, яўрэйская назва населенага пункта,
азначае «вежа рыб», што сведчыць аб рыбнай лоўлі як аснове гаспадаркі яго жыхароў.
А. Ян Марыя Салана LC, інспіратар пабудовы асяродка Легіянераў Хрыста ў Магдале,
адзначыў: «Мы бачым, што Магдала — гэта святое месца, звязанае з Панам Езусам і яго
вернай вучаніцай Марыяй Магдаленай. Адкрыццё гэтай старажытнай сінагогі захапляе нас
і ў той жа час мабілізуе да вывучэння гэтага месца, якое з’яўляецца мэтай пілігрымак
вернікаў розных рэлігій».
Адкрыццё Цэнтра Магдалы запланавана на канец 2011
г.