Mbreti i Jordanisë shpërndau parlamentin duke hapur rrugën zgjedhjeve të parakohshme.
(24.11.2009 RV)Në Jordani mbreti Abdullah shpërndau parlamentin dhe paralajmëroi
mbajtjen e zgjedhjeve të reja dy vjet para afatit. “Parlamenti shpërndahet sot më
24 nëntor e zgjedhjet do të zhvillohen në bazë të ligjit”, pohon një deklaratë e pallatit
mbretëror e cila, nuk saktëson arsyen që e ka shty mbretin të marr këtë vendim. Kohëve
të fundit qenë shtuar kritikat për punën e 110 deputetëve të parlamentit jordanez.
Hapi i ndërmarrë nga mbreti Abdullah mund të shoqërohet edhe me ndryshime në kabinetin
qeveritar në mënyrë që të zbutet pakënaqësia e popullit pas akuzave për korrupsion
dhe tkurrja e ekonomisë.