(22.11.2009 RV)Sot Kisha katolike kremtoi solemnitetin e Zotit tonë Jezu
Krishtit, Mbret i Universit. Përkujtoi edhe Shën Çeçilen, virgjër e martire.
Nesër,
e hënë, festa liturgjike e Shën Klementit I papë e martir, e Shën Kolombianit
abat dhe e Shën Feliçitës martire, na kujton vejushën e Ungjillit. Lëmosha e saj
është më e madhja, sepse nuk dha vetëm tepricat, por gjithçka kishte mbas shpirtit.
Zoti i pranon dhuratat tona, kur i japim gjithçka i përket.
Liturgjia e
së martes, në festën eShën Andreut Dun-Lak, meshtar e shokëve të tij
martirë e Shën Krizogonit, martir, na kujton fjalët që thotë Jezusi për rrënimin
e Tempullit, duke kumtuar kështu se gjithçka kalon e se fundi i botës është pashmangshëm.
Urojmë të mos e gjejë asnjërin nga ne të papërgatitur.
Shën Katerina e Aleksandrisë,
virgjër e martire; Shën Moisiu, martir; Shën Pjetri i Aleksandrisë, ipeshkëv e martir
dhe të Lumët Luigji e Maria Beltrame Kuatroki, bashkëshortë, që do të kremtohen të
mërkurën, na sigurojnë se fati i dishepullit nuk mund të ndryshojë nga ai i Mësuesit.
E megjithatë ia vlen të shkëputesh nga çdo dashuri tokësore, për të fituar gëzimin
e pasosur të dashurisë së Zotit.
Kur flet për fundin
e botës, Jezusi nuk nënvizon aq atë që do të ndodhë në fund të fundit. Thekson kryesisht
se kush dëshiron ta ndjekë pas, duhet ta jetojë çdo ditë të jetës, si të ishte e fundmja.
Na e kujtojnë, në ditën e festës së tyre, të enjten, Shenjtorët Siriku papë;
Leonardi nga Porto Mauricio, meshtar françeskan dhe Silvestri, abat, themelues i
Silvestrinëve.
Do të kremtohet të premten Shën Virgjili, ipeshkëv i
Salcburgut. Liturgjia e festës së tij na kujton se Fjala e Zotit duhet vlerësuar mbi
gjithçka, sepse kur Zoti flet, krijon, e dishepullit nuk i mbetet tjetër, veçse ta
dëgjojë e të veprojë në përkim me Të.
Të lutesh çdo çast, që të jesh gjithnjë
bashkë me Krishtin Zot, është garancia më e mirë për të përgatitur ditë për ditë takimin
e fundmë me Të. Na e kujton, të shtunën, Shën Jaku i Markes, françeskan, nga
Kalendari kishtar i ditës.
E diela e ardhshme është e para e Kohës së
Ardhjes. T’ia përgatisim rrugën Zotit në shpirtin tonë!