Масква. Патрыярх Кірыл у прывітанні да ўдзельнікаў Канфярэнцыі "Тоесамасць каштоўнасцей
для Еўропы" падкрэслівае, што хрысціянства не можна разбурыць, не знішчыўшы ўвесь
еўрапейскі свет і яго ідэнтычнасць.
Сваю думку Патрыярх Маскоўскі і ўсяе Русі накіраваў у Венэцыю, дзе на ініцыятыву
Еўрапейскай народнай партыі быў зарганізаваны форум. Свяцейшы праваслаўны Патрыярх
адзначыў, што самое існаванне і плён перспектываў Еўропы напрамкі залежыць ад яскравага
адказу на пытанне аб пункце адпраўлення еўрапейства. П.Кірыл раіць удзельнікам нарады
найперш зразумець, што з'яўляецца стрыжнем - асноваю быцця і аб'ядноўваючым пачаткам
для шматлікіх народаў Старога кантыненту. Толькі так можна пераадолець культурныя
розніцы між імі і знайсці натхненне для стварэння агульнае прасторы даверу і ўзаемадапамогі.
Патрыярх Маскоўскі і ўсяе Русі падкрэслівае, што менавіта хрысціянства дала Еўропе
каштоўнасны базіс, яе ідэю. Немагчыма усвядоміць змест і матор развіцця Еўропы, культурны
код кожнага з яе этнасаў па-за рамкамі хрысціянскай традыцыі. Таму і на будучыню
кожная фаза будовы Агульнага Еўрапейскга Дома не можа абысціся без абапёры на хрысціянскае
сведчанне. У звароце да заходнееўрапейскіхз дзеячаў, Яго Свяцейшаства Кірыл падкрэслівае,
што роля Цэркваў - садзейнічаць атмасферы міжкультурнай і міжрэлігійнай згоды, сацыяльнай
салідарнасці, прысутнасці духоўнага вымярэння ў сістэме грамадскіх адносінаў.