Патрыярх Маскоўскі і Усяе Русі: Ватыкан блізкі але адначасова і далёкі
Старшыня Аддзяленьня Вонкавых Кантакаў Маскоўскага Патрыярхату выказаў памёркоўны
аптымізм у справе магчымае сустрэчы Папы Бэнэдыкта 16 з Патрыярхам Кірылам. Адначасна
ён засьцярог, што на цяперашні момант да такой сустрэчы не можа дайсьці і ніхто не
вядзе падрыхтовак у гэтым напрамку. Арцыбіскуп Іларыён у часе сустрэчы з замежнымі
журналістамі выказаў таксама “поўную салідарнасьць з Ватыканам і урадам Італіі ў справе
прысутнасьці крыжоў у школах”. “Сёньня прыбліжаемся да хвіліны, калі стане магчымаю
сустрэча Папы з Патрыярхам. На сёньняшні дзень немагчыма сказаць аб канкрэтных планах
і падрыхтоўках, аб месцы і даце такой сустрэчы, хаця абодва бакі жадаюць яе”,- сказаў
арцыбіскуп Іларыён. Праблемаю, якая гэтую сустрэчу затрымлівае, ёсьць паводле праваслаўнага
ерарха “парушэньне раўнавагі веравызнаньня на Заходняй Украіне ў 1990-м годзе цераз
экспансію Вуніятаў”. Каталіцкі празэлітызм, значыць навяртаньне праваслаўных на каталіцызм
на “канаічных землях рускага праваслаў”я” паводле Ілярыёна “становіць цяпер меншую
праблему чым 10-ць гадоў таму назад”. Арцыбіскуп Ілярыён выказаў прызнаньне для
цяперашняга Папы Рымскага за ягоны традыцыяналізм і ўстрыманасьць адносна візыту ў
Расію. “Зараз пасьля выбару на сустрэчы з Мітрапалітвам Кірылам, цяперашнім Патрыярхам,
Бэнэдыкт 16 адмовіўся з планаў прыезду у Расію”,- падкрэсьліў арцыбіскуп Ілярыён. На
канец ён выказаў надзею, што новы Патрыярх будзе працягваць праваслаўна-каталіцкі
дыялог, так як гэта ён рабіў будучы старшынёю Аддзяленьня Вонкавых Адносінаў Маскоўскага
Патрыярхату.