Selia e Shenjtë e Anglikanët: nesër mbërrin në Vatikan prelati Rouan Uilliams. Të
shtunën takimi me Papën.
(19.11.2009 RV)Kryeipeshkvi i Kanterbërit doktor Rouan Uilliamson mbërrin nesër,
20 nëntor, në Romë për një vizitë dyditore. Këtu ai do të takohet me Atin e Shenjtë
Benediktin XVI dhe me përgjegjësit e disa dikastereve vatikanase me të cilët do të
bisedojë për marrëdhëniet anglikano-katolike nën dritën e kushtetutës apostolike “Anglicanorum
coetibus”, nënshkruar nga Ati i Shenjtë me 4 nëntorin e kaluar. Kjo kushtetutë
flet për rregullat që duhen ndjekur për anglikanët që duan të kthehen në gjirin e
Kishës Katolike. Prelati anglikan Uillimason do të shoqërohet nga ipeshkvi i Gilfordit
Kristofer Hill si edhe disa sekretarë.