Стамбул. Адсюль, з Канстантынопальскай сядзібы Сусветны праваслаўны Патрыярх Барталамей заклікаў стварыць на Прынцавым востраве Цэнтр аховы навакольнага асяроддзя і міра.

Прынцавы (Бююкада)- найбольшы востраў архіпелагу названы галавою праваслаўя месцам стварэння царкоўнага навукова-даследчага і асветніцкага цэнтра. Нават ёсць памешканне - гістарычны будынак дзіцячага праваслаўнага прытулку, зачыненага турэцкімі ўладамі ў 1971 годзе. Цяпер чакаецца на ягоны зварот Канстантынопальскай Царкве на аснове рашэння Еўрапейскага трыбунала. Па плане Сусветнага Патрыярха, установа будзе мець даследчы характар. Тэолагі і іншыя, вузкія навукоўцы засяродзяцца на праблемах экалёгіі і неабходных этычных пераменах у паводзінах людзей - як асоб, так і груп адказных прадстаўнікоў палітычнага, навуковага, аграрнага і прамысловага свету. Прынцавы востраў - адзін з найбольшых у архіпелагу . У візантыйскі і атаманскі перыяд сюды ссылалі венцаносных асоб, каб аддаліць ад спраў і трымаць у блізкасці. Цяпер гэтыя астравы Мармуровага мора насупраць Стамбула, дзе няма аніякага транспарту, акрамя парому, аслянят і веласіпедаў, ёсць найбольш экалагічна чыстыя, дык cталіся месцам шыкоўнага адпачынку. Акрамя турэцкіх мусульманаў, астравы насяляюць хрысціяне розных абрадаў і юдэі.