Shqipëri:fiton PD-ja në pesë njësitë ku u zhvilluan zgjedhjet
(16.11.2009 RV)Edhe në Shqipëri, dje janë zhvilluar zgjedhje në 5 njësi. Pjesëmarrja
ka qenë nën 20%, duke treguar interesin e paktë të popullsisë për to. Gjithsesi në
Tiranë, në Fierzë, në Fushë-Arrëz, në Otllak të Beratit e në Klos kanë fituar kandidatët
e Partisë Demokratike. Zgjedhjet e pjesshme lokale në pesë njësi vendore ishin
më tepër teknike se sa politike, pasi në to ishin përballë njëra-tjetrës dy parti,
që tashmë janë së bashku në koalicionin qeverisës, Partia Demokratike dhe LSI-ja.
Ndërkohë Partia Socialiste bojkotoi votimet në shenjë proteste ndaj mos transparencës
së zgjedhjeve të 28 qershorit.