Ізраіль дыскрымінуе рэлігійныя й нацыянальныя меншасьці /.polskieradio.pl/
Ізраіль дыскрымінуе рэлігійныя й нацыянальныя меншасьці, ды іншыя, чым артадаксыйны,
патокі юдаізму - гэта вынікае са штогадовага дакладу аб рэлігійнай свабодзе ў сьвеце.
Дакумэнт апублікаваў амэрыканскі Дзярждэпартамэнт. Ізраіль дыскрымінуе мусульман,
хрысьціян, Сьведак Еговы, Рэфармаваных габрэяў, бэдуінаў і жанчын, - гаворыцца ў
дакладзе. На думку аўтараў, аб дыскрымінацыі сьведчыць тое, што больш за 300 тысяч
імігрантаў, якія, у адпаведнасьці з рабінскім законам, не зьяўляюцца габрэямі, ня
могуць у Ізраілі браць шлюбы й разводзіцца. Яны ня могуць таксама быць пахаваныя
на габрэйскіх могілках. Па дадзеных Дзяржаўнага дэпартамэнту ЗША, Ізраіль не забясьпечвае
абароны сьвятых для хрысьціян і мусульман месцаў. Закон 1967 году прадугледжвае, што
дзяржава павінна клапаціцца аб усіх такіх месцах. Дзярждэп ЗША разглядае гэтыя
дзеяньні як непрымальныя й рэкамэндуе, каб ізраільскі ўрад зьмяніў палітыку ў гэтым
пляне.