Кінарэжысёр Зануссі сустрэнецца са студэнтамі-тэолагамі
Вядомы польскі рэжысёр Кшыштаф Зануссі арганізуе творчую сустрэчу са студэнтамі ў
Інстытуце тэалогіі імя святых Мяфодзія і Кірыла БДУ. Сустрэча пройдзе ў межах XVI
Мінскага міжнароднага кінафестывалю «Лістапад» і дыскусійна-тэалагічнага клуба Інстытута
тэалогіі і прымеркавана да мастацкай выставы Андрэя Смоляка «Шлях да веры». Сустрэча
з кінарэжысёрам адбудзецца 15 лістапада 2009 г. у 15.00 (аўд. 307) па вул. Незалежнасці,
24. Кшыштаф Зануссі — вядомы польскі кінарэжысёр, лаўрэат Канскага кінафестывалю
ў намінацыі «Рэжысёр» (1980 г.), уганараваны спецыяльным прызам Венецыянскага кінафестывалю
(1982 г.), галоўным прызам Венецыянскага кінафестывалю (1984 г.), Царскасельскай мастацкай
прэміяй (2004 г.), ордэнам князя Яраслава Мудрага V ступені (2009 г.), Міжнароднай
прэміяй «Балтыйская зорка» (2009 г.). За гады сваёй творчай дзейнасці кінарэжысёр
зняў звыш 50 высокамастацкіх стужак.