(13.11.2009 RV)Presidenti i Serbisë, Boris Tadiç u takua sot me autoritetet
italiane, në takimin e parë ndërqeveritar Itali-Serbi, i cili do të përsëritet periodikisht
edhe në të ardhmen. Jemi dakord për të gjitha gjërat – theksoi Tadiç në
konferencën për shtyp të përbashkët me kryeministrin italian, Silvio Berluskoni –
por jo për Kosovën. Do të luftojmë me të gjitha mjetet juridike për të rivendosur
sovranitetin territorial mbi të. Duke filluar nga 19 dhjetori, qytetarët serbë mund
të hyjnë në Bashkimin Evropian pa viza, sëbashku me malazezët e maqedonasit. Kjo risi
u vu në dukje nga Berluskoni, i cili konfirmoi mbështetjen e Italisë për integrimin
evropian të Serbisë, që sipas gjasave mund të realizohet në vitin 2014.