Кардинал Јосип Бозаниќ на прославата на 150-годишнината на Кукушката унија
Драги браќа и сестри,
На крајот на овој свечен академски чин, срдечно ве
поздравувам сите. Благодарам за поздравите за добредојде упатени од вашиот бискуп
Монс. Киро Стојанов. Него, Апостолскиот Нунцие и сите присутни надбискупи и бискупи
особено ги поздравувам и се радувам на црковното единство кое овоие денови го сведочиме.
Како
претставник на Светата Столица на прославата на 150-тата годишница од Кукушката унија,
со задоволство ги пренесувам поздравите и благословот на Светиот Отец Бенедикт 16-ти.
Академијата
не прошета низ историјата на Кукушката унија од почетокот па до денес, всушност ни
ги опиша тешкото, но и непоколебливо минато на македонските католици од византиско-словенски
обред. Историјата зборува за вашите корени како и за вашиот верски, културен и национален
идентитет. Во тоа минато вие, драги браќа и сестри во Христа, се препознавате, тоа
живее во сегашноста а сите вас ве обврзува како светла инспирација за иднината. Затоа,
гордејте се со своето верско и национално културно наследство!
Честитајќи
ви го овој Црковен и Национален јубилеј, се радувам на утрешната средба во катедралата
Успение на Пресвета Богородица, овде во Струмица