Rënia e Murit të Berlinit dhe heshtja e Shqipërisë. Flet Visar Zhiti

(09.11.2009 RV)Rënia e Murit të Berlinit është mbajtur në heshtje në Shqipëri, ku akoma mbretëronte regjimi komunist. Shumë pak vetë e kujtojnë këtë datë, edhe sepse gazeta partiake “Zëri i Popullit”, e vetmja që kishte një shpërndarje të gjerë, në 2 prej 4 faqeve të saj, njoftonte për pritjet e darkat që jepeshin në Tiranë për nder të ministrit të jashtëm të Kubës, në vizitë zyrtare një javore në vend.
Më shumë se Muri i Berlinit, në Shqipëri bëri përshtypje vrasja e kryetarit të partisë rumune, Nikollai Çaushesku. Në vazhdën e këtyre ngjarjeve, në dhjetor të vitit 1990, nën presionin popullor, regjimi u detyrua të lejonte pluralizmin politik, por tranzicioni drejt demokracisë vazhdoi edhe më gjatë e nuk mund të thuhet se ka përfunduar as sot.
Le të përshkojmë ato momente me ministrin për kulturën në Ambasadën shqiptare në Romë, poetin Visar Zhiti…