Ватыкан:- Здаровая свецкасць -вось дарога прагрэсу дабра для чалавецтва. Гэты аспект падкрэсліў Папа Бенедыкт 16, прымаючы даверачныя граматы ад амбасадара Панамы пры Святым Пасадзе.

Спадарыня Дэлія Кардэнас Крысці атрымала прыватную аўдыенцыю, частку якой асвятлялі журналісты. Папа ў звароце да пасланніка прыгадаў добрыя ўзаемныя стасункі дзяржаў і падкрэсліў ролю Царквы, якая не змешчваецца з дзяржаваю, з палітычнымі праграмамі, але але выяўляе сабе ў духоўным і маральным жыцці. Мэта Касцёла ў грамадстве - абарона правоў чалавека і ягонае годнасці. Гэта спрыяе развіццю незалежнай і дзейснай юрыдычнай сістэмы, пры якой ніхто не забыты і не прыгавораны да насілля ці спіхвання на край грамадства. Клопат Царквы - быць побач бедных, эмігрантаў, уцекачоў, увязненых, змагацца супраць карупцыі. Бо квітненне грамадства не залежыць толькі ад тэхналагічнага і эканамічнага развіцця. але ад прысутнасці духоўнага і этычнага вымярэння - ад волі членаў грамадства працаваць дзеля агульнага дабра ў атмасферы парадку і маральнай чыстасці.