(04.11.2009 RV)Kisha Katolike në Kosovë kremtoi me 1 dhe 2 nëntor festën e
të Gjithë Shenjtorëve dhe Përkujtoi Besimtarët e Vdekur në dritën e Krishtit të Gjallë.
Në këto ditë të para nëntori e ndjejmë afërsinë e fuqisë tërheqëse drejt Qiellit,
që na shtyn ta përshpejtojmë hapin e shtegtimit tonë tokësor. Në zemër ndjejmë
ndezjen e dëshirës së flaktë për t’u bashkuar përgjithmonë me familjen e shenjtërve,
pjesë e së cilës kemi hirin të jemi qysh tani. Siç thotë një këngë e njohur shpirtërore:
“Kur do të vijë aradha e shenjtorëve të tu, oh sa do të doja, o Zot, të isha ndërmjet
tyre!”. Urojmë që ky synim e kjo dëshirë të ndizet flakë në të gjithë të krishterët,
e ti ndihmojë të kapërcejnë çdo vështirësi, çdo frikë, çdo vuajtje, çdo mjerim!
Këto festa fetare na kujtojnë se jeta e amshuar, për ne të krishterët, nuk është
thjesht një jetë pa fund, por sidomos, një cilësi e re e jetës, shkrirë plotësisht
në dashurinë e Zotit, që na çliron nga e keqja e nga vdekja e na bashkon pa fund me
të gjithë vëllezërit e motrat, të cilët marrin pjesë në të njëjtën Dashuri. Po të
dëgjojmë si u kremtuan festat e fillimit të nëntorit në Prishtinë në shërbimin e Rabie
Ibrajt....