Ватыкан. Нацыянальная самабытнасць робіць багацей усе народы - такая думка была падкрэслена
Папам Бенедыктам 16 у моманце гутаркі з новым амбасадарам Балгарыі пры Святым Пасадзе.
"Хрысціянства абараняе чалавека ад спакусы забыцца - на ўласную веліч і патрэбу салідарнасці."
"У працэсе інтэграцыі ў Еўропу аніводзін народ не павінен губляць сваю культурную
самабытнасць, але знаходзіць спосабы , каб яна квітнела з добрым плёнам, "- працягваў
Папа, звяртаючыся да Міколы Калудава, які адцяпер прадстаўляе ў Ватыкане новую гісторыю
гэтай славянскай краіны. Папа прыпомніў вялікія хрысціянскія традыцыі Балгарыі, прызнаў
намаганні народа, што прыкладзеныя для ўступу Балгарыі ў Еўрасаюз у 2007 годзе. Усе
гэта павінна, на думку Свяцейшага Айца, стымуляваць Балгарыю і іншыя еўрапейскія краіны
ствараць умовы паспяховага ўваходжання ў глабалізацыю. Толькі у самабытнасці глабалізацыя
будзе на карысць чалавеку і ўсім людзям, што выкладзена таксама ў нядаўняй Энцыліцы
"Любоў у праўдзе", на якую спаслаўся аўтар - Папа Рымскі. "Важна, каб развіццё не
было толькі эканамічным, але ўлічвала чалавечую асобу ва ўсіх яе аспэктах",- падкрэсліў
Бенедыкт 16 ў гутарцы з балгарскім пасланнікам, указваючы на балгарскі Касцёл як
на маленькую грамаду, здольную працаваць для дабра ўсяго народа. Прыгадаўшы візіт
у 2002 годзе ў Балгарыю Папы Яна Паўла 2, ягоны сябр і пераймальнік на Пятровым Пасадзе
вызначыў, што балгары не забываліся на свае хрысціянскія карані праз стагоддзі прыціску,
і падкрэсліў, што хрысціянская культура, так праніклая ў гэты народ, не павінна быць
толькі каштоўнасцю мінулага, але стацца залогам добрае будучыні.