Бургундыя. Сёння ў абацтве Клюні адбылася асабліва ўрачыстая, старажытнага абраду,
Імша за памёрлых. Упершыню яе адцэлебраваў у 998 годзе пяты абат Сэн-Адзілон, і ў
далейшым Задушная Літургія была распаўсюджана на Ўніверсальную Царкву.
Святы абат Адзілон сцвярджаў, што малітве за памёрлых неабходна аддаць спецыяльны
дзень, каб душы людзей, што завершылі земскую пілігрымку, спалучыліся з любоўю тых,
каго пакінулі на зямлі. Прыгадаем, што гэта сталася да першага расколу адзінае Царквы,
які адбыўся ў 1054 годзе. Яшчэ перад гэтым абацтву была дадзеная Папам Янам 11-м
прывілея прымаць пад сваю юрысдыкцыю манастыры, якія далучыліся да Клюнійскай рэформы
. Заключалася яна ў адраджэнні моцнай малітоўнай духоўнасці і аскетызму ў перыядзе
ўпадку манаскіх пакліканняў. Самое абацтва асягнула росквіту пры настаяцелях Юго Клюнійскім
і Пятры Дабрачынным у 11-12 стагоддзях. Абацтва квітнела ды Кангрэгацыя ягоная перасякнула
межы Францыі. Клюнійскія манастыры з'явіліся ў Італіі, Іспаніі, Францыі, Германіі
і Польшчы, асягнуўшы 2-хтысячнай колькасці! Закон іх быў - суровая дысцыпліна, натхнёныя
адносіны да святой Эўхарыстычнай Літургіі, доўгатрывалыя малітвы, аскетычны лад
жыцця. З абацтва выйшла 12 кардыналаў і некалькі Папаў Рымскіх. Бібліятэка была адной
з самых багатых у сярэднявеччы. Саборовая царква абацтва 11 стагоддзя дзіўляла прыгажосцю
і была самай вялікай у свеце ажно да будаўніцтва ў 16 стагоддзі новай базілікі святога
Пятра ў Рыме. У часе Вялікай французскай рэвалюцыі ў 18 стагоддзі aбацтва Клюні было
зачыненаe і пазней разрабаванае. У 20 стагоддзі адбыліся рэстаўрацыі і аднаўленні
будынкаў, што захаваліся. У гэты Задушны вечар тут праходзіць канцэрт духоўнай музыкі
кампазітара Жан-Луі Рэбю. Непадалёк ад Клюні знаходзіцца мейсца Тэзэ, якое мае
вядомую экуменічную грамаду Taize'. Прычым, брат Ражэ - яе заснавальнік - шукаў менавіта
блізка славутага манаскага абацтва дом для жыцця заснаванай ім грамады. У гг.2-й Сусветнай
вайны да таго ж тут праходзіла дэмаркацыйная лінія, дык у грамадзе Тэзэ ратавалі антыфашыстаў.
Прынагодна нагадваем, што яна (французская грамада) будзе мець сустрэчу з беларускай
моладдзю ў Мінску ў катэдры 12 лістапада.