У наступным годзе ў Кітаі прайдуць Дні культуры Беларусі
Дні культуры Беларусі ў Кітаі пройдуць у 2010 годзе. Такую прапанову выказаў міністр
культуры Беларусі Павел Латушка падчас перамоваў у Мінску з намеснікам міністра культуры
Кітайскай Народнай Рэспублікі Ауян Цзянам, які яго падтрымаў. Абменныя Дні культуры,
што праводзяцца міністэрствамі культуры дзвюх краін па чарзе з 1999 года, на думку
прадстаўнікоў абодвух бакоў, - адна з самых паспяховых форм супрацоўніцтва. Павел
Латушка прапанаваў працягнуць гэту традыцыю і арганізаваць Дні культуры Рэспублікі
Беларусь у КНР у 2010 годзе. Гэта прапанова знайшла падтрымку з боку кітайскай дэлегацыі.
Павел
Латушка выказаў зацікаўленасць у арганізацыі гастроляў беларускіх калектываў, у прыватнасці,
на сцэне новага будынка Дзяржаўнага Вялікага тэатра Кітая. Ауян Цзян згадзіўся з прапановай
і выказаў пажаданне аб арганізацыі абменных гастроляў, каб беларуская публіка магла
знаёміцца з творчасцю лепшых кітайскіх калектываў.
У ходзе перамоваў былі
таксама закрануты пытанні далейшага развіцця кантактаў паміж арганізацыямі культуры
Беларусі і Кітая, умацавання ўзаемадзеяння паміж нацыянальнымі бібліятэкамі, нацыянальнымі
мастацкімі музеямі, установамі адукацыі.
Супрацоўніцтва ў сферы культуры
Беларусі і Кітая рэгулюецца міжурадавым пагадненнем ад 1992 года і міжведамасным пратаколам
аб супрацоўніцтве на 2007-2011 гады. Міністр культуры Беларусі выказаў прапанову,
якую падтрымаў кітайскі госць, аб падрыхтоўцы і заключэнні новага пратакола аб супрацоўніцтве
пасля завяршэння дзеяння ў 2011 годзе дзеючага дакумента.